خبله ولااعرف ادبر

السلام عليكم ورحمة الله وبركاته
كيف حالكم
يابنات وياحريم انا مااعرف اشتري
مدري ليه
عمري بيقارب الخمسين وانا إلى الآن مااحس نفسي مثل الحريم
يعني اشوف الحريم ملابسهن مناسبه وحلوه وذوق وعباياتهن وافيه وشنطه فيها شنطة مكياج وعطر وخواتم وبعضهن اكسسورات وذهب واقول انا معي فلوس ليه مااشتري لي زي كذا واروح للسوق وارجع كلشي يفشل ومافيه بركه وحتى استخسر الخاتم الذهب على نفسي وذوقي ماتطور واقفه بالسبعينات وكل لبسي ارواب وقمصان الدقه القديمه
للمعلوميه وصل عمري ١٨ سنه وامي هي اللي تشتري لي واذا قلت ابي هذا هاوشتني ورفعت صوتها وفشلتني بالسوق واسكت وكانت تفصل لنا ملابس نفس ملابس جدتي ونسكت وحنا اعمارنا ١٣ و١٤ وجيلنا بدا يتطور وحنا نلبس ملابس نفس جدتي الله يرحمها
ومابديت اشتري لنفسي الا انا فوق العشرين والى يومكم ابي اصير زي هالبنات
انقهر اذا شفت اغراض اي وحده ابد ماهو حسد بس ليه ماافكر زيها اذا رحت للسوق وانا معي خير وفلوس
ليه استخسر على نفسي اسواره
وتزوجت وجبت عيال وخلاص نسيت نفسي يكون معي فلوس واروح للسوق سلك واحد مايشتري لنفسي مدري ليه
يعني انا ماأحب نفسي او مااهتم فيها الا اذا شفت غيري وقتها تجيني لحظه ادراك ان ماعندي خاتم وانا ملابسي وقمصاني لها سنين وشناط تفشل وماعندي الا كحل مكسور وروج له سنه وانا ياناس مو قل فلوس بس خبال وقل تدبير