خبيرات أكل البازارات خدمة لوجه الله تعالى ,, وياليت الجميع يدخل

يا عمري كنك انا بالضبط ...........
بس صدقيني احنا الصح ,,
وش رايك ممكن تطبخين و تخلين وحدة توقف مكانك بالبازار وتساعدها شغالتك مثلا .. وانتي تحضرين البازار تشرفين على ركنك وتتمشين ....
ولا تنسين تطبعين لك كروت دعاية او منيو بالاسعار لانه بعد البازار راح يبدأ الشغل الحقيقي ان شاء الله ....
وبالنسبة للمكونات ومن وين تشرينها بالارخص هذا سؤالي انا بعد ....
الله يرزقك ويرزقنا من حيث لا نحتسب .

الله يرزقك ماتتمنين ياااااارب

نسمات حب :

حياك الله أختي

ما شاء الله عليك
عيني عليك باردة ويحفظك الرحمن

كلامك وإستفساراتك تعني إنك انسانة رزينة
مُلِمة بكافة التفاصيل
ويهمها سد كل الثغرات
وهذا لا يحتاج إلى استشارة التاجرات
طالما أن الله وهبكِ عقلاً تضاهين بهِ الخبيرات

ولكن ..

ما خاب من استخار ولا ندم من استشار
( استخيري الله )



،


شوفي نسمات .. المتميز يفرض نفسه

إذا كانت هذه التجربة هي أول تجربة لكِ في البازار

فضعي لكِ بصمة مميزة تختلف عن باقي التاجرات في هذا المجال

مثلا : تميزي بنوع معين ( الموالح أو الحلويات )
أو تميزي بإخراج معين

حتى تلفتي الأنظار لكِ

سيبيك من البلاستيك وإن كانت أرخص وأوفر
لكن .. خلي عندك طريقة عرض مميزة

كيف ؟

إمممممممم

سوي زي المطاعم
إما أكل داخل المطعم أو طلبات خارجية

الأكل في البازار بيعيه بالحبة
حبتين بريال ، حبة بريالين ،
يعني لا تتعبين نفسك وتقطعين وتسوين
أبداً .. إشتري الصحون أم غطاء عارفتها

اللي تجيك زي كذا :




موجودة في الهنداوية بجدة قسم محلات الأدوات المنزلية
وإذا كانت الهنداوية بعيدة عليك
عندك سوق محمود سعيد الشعبي .. محل يا بلاش : حتلاقين منها أشكال وألوان
أهم شيء تحس الزبونة إنك نظيفة وإن شغلك نظيف
ولما يكون الأكل مغطى وتقطعينه بيكون أجمل

حطي التسعيرة بحسب الصحون
الصحن البلاستيك البيضاوي بـ 3 ريال
الأكبر شوي ب4
الأكبر ب5
خلي أسعارك بهذي الطريقة
طبعاً إشتري مناديل الطعام وملاعق


واللي حابة تشتري طلب خارجي
تكونين انتِ مجهزته سفري بسعر آخر
بحسب الكمية المحددة
طبعاً تعرفين صحون القصدير اللي ينباع فيها البروست
خذي منها كذا حجم
والغطاء من فوق حطي عليه بطاقة فيها رقم جوالك
واختاري عنوان مميز لكِ
الغالي ثمنه منه وفيه
والرزق إن أراده ُ الله لكِ فالحمدلله

،

لا ترخصين نفسك وترخصين جهدك مهما يكن الأمر
التعامل مع الزباين صعب
لا تهتمين .. بما يقولون
صدقيني .. حيلفون وحيرجعون لك
لو لمسوا تميزكِ وحسن تعاملكِ وجودة بضاعتكِ

أما بالنسبة لمكونات العمل
انتهزي الآن فرصة رمضان والتخفيضات الخيالية اللي يسوونها وطني وبنده
بمناسبة هالموسم
واشتري لك كمية
مانتِ خسرانة
إن ما إستمريتِ .. بيتك محتاج لها (:
وإن ما وجدتِ كامل احتياجك فيها .. روحي للمستودعات
أو / باب مكة .. واشتري من هناك .

لا رحتِ باب مكة .. أو الهنداوية
حتلاقين محلات متخصصة فقط في بيع الأدوات البلاستيك


،

نجي لكيفية الحسبة .
ما أعرف الطاولة بكم إيجارها ؟؟

لكن .. عشان تكونين شاطرة في هالموضوع
وتقدرين تدخلين ربحك الكافي
سوي .. اللي يغطي لك ربحك وخسارتك

إمممممممم

سوي خزان فيمتو وبيعي الكوب بريال
سوي كابتشينو ، قهوة ، شاهي ، سحلب ،
إشتري ماء صحة
سوي عصاير طازجة
خلي في نفس الطاولة جزء خاص بالأطفال
اشتري أشياء لهم من المحلات ترغبهم في طاولتك
أو خذي مجموعة من الأكواب البلاستيك الملونة وعبيها حلويات
زي كذا :




،

أما بالنسبة للواحدة اللي حتجيبيها معاك

شوفي والله يا نسمات ..
ما دعائي دوماً إلا : اللهم أرزقني وأرزق الناس مني
لما تفتحين باب رزق لأحد .. الله يفتح لك أبواب الرزق يمكن بدعوة منهم

وانتِ نفسك طيبة ولله الحمد
وهذا ما لمستهُ من شذى روحك التي عبقت هنا
وإن شاء الله ما راح تظلمين أحد
لكن لا تظلمي نفسك
يعني لا تتفقي معاها بسعر خيالي

قولي لها أعطيك إن شاء الله 20 % من الأرباح
عشان تشد حيلها معاك
ولا تدفعين لها أجرتها قبل البازار
لإن تقديم الأجرة من بطلان العمل كما قال الرسول صلى الله عليه وسلم


،

أما عن نظرة الناس لك
فيكفي إنك تردين عليهم : إن رسول الله كان راعي للغنم
والأنبياء كان منهم من هو خياط
ولا يقعد أحدكم قادراً على العمل ظناً منه أن السماء تمطر ذهباً

الناس الآن كلها تبيع
والكل أصبح / تاجر
والنساء دخلن في السوق بخطى واثقة
فلا تهزك ريح

حصني نفسك
وقولي : يارب



أما بالنسبة لرفع الأسعار
فهذه الطريقة عن نفسي أمقتها مقتاً شديداً
ولم أسلكها يوماً ولله الحمد

لإن الطمع هو الذي يؤدي إلى الرفع
لا تطمعين في الزيادة
وارضي بالقليل يأتيك الكثير

خلي لك شعار حلو في نفس البازار

وإن قدرتِ تتميزين في لبسك تميزي
يعني إلبسي .. لباس حربي / نجدي / عسيري
وخلي اللي معاك تضيفهم بالقهوة

متوقعة لك إن شاء الله نجاح باهر
ما دمتِ تحملين بين جنباتكِ نسمات حب

رفع

ربنا يوفقك