حبيت أسألكم اللي عندها خبره عن ارواج الماركات زي (ماك) او (ميك اب فور ايفر) او (شانيل) او( استي لودر) او (لانكوم)..... الخ
انا بروح وجوه او قزاز باخذ لي لونين حلوين
وابغى الروج يكون مفرد
مو مجموعة الوان بفرشاه
لأني مجربه الباليت ابو 5 الوان اللي من ميك اب فور ايفر
وحابه تكون الميزانيه ماتزيد 90 ريال للروج الواحد ومايمنع اقل وتكون جودتها حلوه وماتقطع الشفايف
الله يرضى عليكم ابغى رايكم في الماركات اللي فوق او قريباتها واش اسعار كل ماركه
لانه قالولي ارواج فور ايفر بـ90 الوحده ولقيت في النت وحده قالت لي تسيح بسرعه مادري صح او لا
وقالولي ارواج شانيل اسعارها فوق الــ 100
ومادري عن اسعار البقيه ومابغى ارو ح وانا على عماي ابغى اعرف السعر والجوده واكون واثقه وانا اشتري
ولو تعرفوا ماركات ارواج ثانيه حلوه للارواج بس تكون ماركات راقيه ابغى ادلع نفسي هالمره ههههه وقولولي لو موجوده في وجوه او لا او موجوده في قزاز لاني سمعت مدح في بوبي براون بس يقولوا مش موجوده الا في فرعهم :06:
وكمان لو تعرفوا مجموعة ارواج تجي 3 مثلاً مع بعض من الماركات الآنفة الذكر بسعر حلو خبروني
اذكريلي اش جربتي واش عجبك
أعرف طولت عليكم بس والله محتاجه جواااب