fnkoosha
•
الحلزوني ممتاز مثل ما قالوا البنات قصدري الفرن واللي تحت العيون اما القدور الكبير ما يتحمل انا عند الغا ز للقدور والجريش لانه يطول في الفرن
fnkoosha
•
نسيت اضيف لك معلومه اذا انتي ماتبغي الطبخه تبرد اضبطي درجه الحراره 170 خليها داخل الفرن لساعات وافضل اشتر اللي ينظف نفسه
رشة عطر
مشكورة ياقلبي على المعلومات الوافية والكافية ماقصرتي
انا جربتة كذا مرة بالسفر وعادي طبخة حلو
اللي مقرر زوجي يشترية ان شاء الله كالفنيتور
فنكوشة وام السوسو
توكلنا على الله الحلزوني والله يعطيكم العافية
مشكورة ياقلبي على المعلومات الوافية والكافية ماقصرتي
انا جربتة كذا مرة بالسفر وعادي طبخة حلو
اللي مقرر زوجي يشترية ان شاء الله كالفنيتور
فنكوشة وام السوسو
توكلنا على الله الحلزوني والله يعطيكم العافية
الصفحة الأخيرة
الغاز ... السطح اللي فوق او عيون الطبخ ... طبعا سريع بالطبخ وحامي ... تنظيفه مو سهل والفرن اللي تحت ... اللي بالغاز حلو للشوي والدجاج بس مو حلو للمعجنات والكيك لأن شعلة النار تكون جافة وتاثر على المخبوزات ...
الفرن الكهربي ... ذو الاسياخ الحلزونية ... حلو وحامي ... بس صعوبة تنظيفه تقارب عيون الغاز ... الاطار المعدني عادي ما يتأثر اذا كانت نوعيته ممتازة ... وممكن يدوم معاك ما يتغير ... بس ممكن يحتاج لصيانة بعد كم سنة اذا ما اهتميتي فيه ...
الفرن الكهربي ذو الصاجات الدائرية اللي تشبه الفحم ... هذا ما انصح فيه ... يمكن هو تنظيفه مثل الحلزوني .... بس الطبخ عليه ما عجبني ... تحتارين بحرارته ... يا حار لدرجة يحرق الاكل او تنزلين عليه ويصير بارد وبعض الاحيان حتى لو تنزلين الحرارة للاخير يكون حار جدا ... يعني ممل في التحكم .. .. وجربت منه اكثر من نوع وكلهم نفس المشكلة ...
الفرن الكهربي ذو سطح السيراميك ... عملي بس مو حامي مثل الغاز ... وتنظيفه سهل سهل جدا ... ما تتعبين في تنظيفه ابدا بس مع الزمن ممكن يتغير لون مكان الدوائر يمكن من القدور او احتكاكها بالسطح او بسبب الحرارة على مدى بعيد .... وانا عندي واحد صار له سنين ما صار له شي ولا احتاج لصيانة ابدا واستخدم قدور وسط وقدور الضغط وكم مرة استخدمت قدور كبيرة بس مو كثير ...
الفرن الكهربي من الداخل ... يفضل اختياره مزود بمروحة ... اللي جربت هذا النوع وجربت العادي بتحس بفرق كبير.... الفرن حار وتوزيع الحرارة فيه حلو ويعطيك نتيجة تحمير متساوي للكيك والمعجنات والدجاج والصواني ... وسريع في الطبخ ...
طبعا كل فرن في البداية يحتاج تتعودين عليه وتتعودي على مستوى الطبخ والحرارة فيه ... ايضا الفرن الكهربي ذو الاسياخ او غيره ... الفرك العنيف ممكن ياثر عليه لذلك استخدمي منظفات مناسبة حتى يسهل تنظيفه بدون ما يتاثر ...
فانت اذا عندك فرن غاز حاولي تختارين فرن كهربي يلبي طلبات ثانية ... يكون مجهز بمروحة من الداخل او انه يكون سهل ومريح في التنظيف .... خصوصا ان الفرن الجديد ما بيكون عليه كل الاعتماد ...
شوفي ميزانيتك لو كان فيه شي يستاهل والفرق اعلى بمقدار بسيط ... انتظري شوي ... في رايي حرام تشترين اي فرن وانت عندك فرن يلبي حاجتك حاليا ...
يعني لو بشتري فرن جديد ... يمكن اشتري فرن سيراميك وداخله مروحة او يكون فوق غاز وداخله كهرب بمروحة ... وكل وحدة حسب احتياجها والميزانية اللي حاطتها ...
بس ملاحظة : لو انتي متعودة على فرن الغاز ...وبعدين اشتريتي كهربي ممكن ما يعجبك الطبخ عليه في البداية لأنه مو بسرعة الغاز وقوة حرارته .... لذلك حبيت انبهك حتى ما تنصدمي او تتندمي على شراؤه ... بس الفرن الكهربي من الداخل نتائجه ممتازة ومرضية في الغالب ...
وهذه من الانواع اللي جربتها شخصيا وعجبتني وجربت ايضا غيرها بس يمكن تكون انواع مو متوفرة عندكم ... وبالتوفيق ...
maytag
whirlpool
general electric