خبيرات الاعشاب وقت النفاس ابغاكم ضروري

دايما اسمع اعشاب اسمائها غريبة والسبب اختلاف مدن العضوات او انو انا مااعرفها بصراحه لاني اول مره اولد وبكرية فماعندي خبرة باسمائها
بسألكم عن الماش .. ايش هوه ؟؟ اشتريتو وشكلو طلع زي العدس الاخضر اللي يسوو فيه الكشري
هل هو نفسو ولاكيف ؟
وكيف طريقة طبخه ؟؟؟
ثاني شي انا قرأت نصائح الدكتور جابر القحطاني عن ضرر اغلب الاشعاب واستخداماتها العشوائية
وكرغبة خاصة وشخصية بلتزم ان شاءالله بكلامه
ماعدا الاشياء اللي استعمالها خارجي
كيف تستخدم ؟؟؟
وقشر الرمان ماني حابه اشربه من كثر الاضرار اللي يسببها
حتى المر
بس اعرف ان المر ممتااااااااااااااااااااز كمضاد حيوي فكيف استخدمه ؟؟
ايش الاكلات اللي اقدر اسويها وقت النفاس ؟؟
ترا محد معايا انا اسوي بنفسي
وانا من مكه وطبعا فيه اكلات مااعرفها اسمع عنها وذقتها وحبيتها بس مااعرفلها زي المرقوق وزي العصيدة حقت الحضارم اللي بالتمر ودقيق البر جربتها مره ولازبطت لان يبغالها تمكن وخبرة في المقادير وطريقة التعامل وقت الطبخ
ممكن تساعدوني ؟؟؟؟
انا اشتريت حلبة وحبة سوداء وماش وملح خشن ويانسون وشمر وكمون مطحون وقرفة مطحونة فلفل اسود
كل اللي اعرفه منها هو الحلبه بدون طحن عشان الريحه وفائدتها افضل احطها مع الاكل زي التمر او اكلها على الريق مع حليب
والفلفل الاسود احطو مع التمر
والملح الخشن شطف
والقرفة واليانسون والشمر والكمون اغليها واشربها
وبسألكم عن طريقة غليها هل احط موية مغلية واسيبها ربع ساعه واشربها ؟؟ او اغليها ؟؟
هذي الحاجات الي اعرفها اذا فيه شي ماذكرته نوروني وقولولي محتاجتكم