خبيرات الجمال الله يسعدكم ضروري

العمر كله ان شالله
يكفي انها تقص شعرها قصه حلوه
وتصبغه وراح تطلع بلوك جديد طبعا على حسب المشغل اللي تروحله
وان شالله قدرت افيدك

هلا حبيبتي
الله يخليلك اختك يا رب و يطول بعمرها

اول نصيحه علشان تبين أصغر انها تبتعد عن الشقاار الشعر الاسود يصغر بس يحرق الشعر تصبغ بني غاااااااامق و ادخل عليه خصل هايلايت 00 هذا بالنسبه للصبغه

قصه الشعر تسوي انقلاب كبير بالشكل 00 بعمر الاربعين الشعر الطويل يكبررر
حلو تقص ديغارديه قصير او ايه قصه تكون ما اتعدى الكتف و تكون مدرجة علشان تعطي الوجه حيويه

بالنسبه للمكيااااااج 00 و هو الخدعه البررررريئه
الاساس تختار اساس هادي ما يكون فاتح و يخليها تبين شاحبه يعني افتح منها بدرجة وحده و انا انصحها باساس لوريال تروماتش لانه حلو و يعطي البشره نضارة امي عمرها 43 و يناسبها حيل

و البلاشر تاخذ من ماكس فاكتور اسمه انجليش روز روووووعه و يعطي تورد طبيعي روعه و ما نحطه بشكل حاد لا 00 تخليه كانها مستحيه00 فاهمه علي ؟؟ يعني بشكل طفولي

بالنسبه للشفايف تاخذ من القلوسات الي فيها نسبه كولاجين بس ما عندي فكره عنها انشالله يفيدونك البنات بهالموضوع

بالنسبه لي قلوسات ريفلون روعه بس قبل لا تحط القلوس تحط روج تحته علشان يعطي اللون قوه و خليها تختار الوان فاتحه علشان تهدي طلتها و ما تكون صارخه

اللوك الي ابي اوصله ان يكون شكلهااااااا منتعش يعني كان وجها رويان و مرتاح ما نبي المكياج يبين

مكياج العيون 00 اهم نقطه تختار على حسب رسمه عينها رسم خفيف بالكحل القلم و ما نبي زوايا حاده او خطوط بارزة يعني رسمه ضبابيه 00 و تبتعد نهااائيا عن الالوان الي فيها لمعه لانها تكبر

البس على الستايل الي قلت لك بيطلع حلو لو لبست ابيض او سماوي و فواتح تعطي حيويه
يعني مثلا تنورة بيضا قصتها حلوة مع بدي ملون بالوان هاديه 00 بيطلع رووووووعه

او تنورة جنز لو هي ما تحب الجنزات او جسمها مو ذاك الزود 00 بعد تعطي لوك حلووو

امممممم و كنوع من التغيير تحط عطر هادي مو صارخ مثل المسك الابيض من البدي شوب

و الصندل حلوين الي يكون فيهم خيوط على كل الساق تعطي انوثه 00

و الاكسسوارت تاخذ ساعه كبيره نوعا ما اذا ايدها حلوة و الحلق الكبير دارج و يعطي شكل بس يعتمد على شكل الوجه بس عموما الحلق الدائري حلو و يناسب الكل 00 اهم شي الاكسسوارت هي الي تعطي الشكل النهائي 00 اهتمي بهالناحيه 00 الحلق يعكس عالوجه و مع قصه الشعر يطلع حلو بعد لو كان كبير نوعا ما 00 او اذا كان تفضل الصغير 00 راقي بعد 00 بس حاولي تغير عن الي متعوده عليه 00

اتمنى ما اكون نسيت شي بس انا دايما اهتم بشكل امي و هي بنفس هالعمر فكل نصايحي من واقع تجربه و طالعه حلوة 00
اي سؤال انا تحت أمرك و قولي لاختك 00 بنتك فراشه تبي دعوه حلوة 00 محتاجة دعاكم يا بنات

موووووفقه و انشالله تكون بعيون رجلهااااااا أحلى عروس و الله يخليهم لبعض و يعطيك العافيه

اسمحولي عالاطاله و سامحوني عالقصور

الخوات ما قصروا

الافضل هو التغيير فى كل شى لون و تسريحة الشعر العدسات

تشترى ملابس جديدة والوانها زاهية

وتغيير العطر

وربى يوفقها مع زوجها امييييييين

بصراحه لو تبغى تبين اصغر خليها تقص شعرها القصات اللي طالعه زي الفراوله او قصة نوال مره تصغر وحلوه للي في عمرها وتغير لبسها تغيير جذري يعني تلبس بناطيل وتيورات وقصير اذا ماتحب على الاقل قدام زوجها تسوي كذا راح يتجنن عليها الشعر تصبغه هايلايت ثلجي على لون شعرها الطبيعي الاسود راح يقلبها اللون والمكياج لازم اذاتبغى تتغير خليها تعتمد مكياج الفنانات زي هيفاء يعني كحل جوا العين وفوقه ايلاينر اسود مائي خليها تتعلم عليه لو عيونها كبار راح تنقلب قلب به الكل راح يقولها صغرانه ولازم مع الكحل تلبس عدسات ملائمه لعيونها وياحبذا لوكانت رمادي او اخضر واهم شي تغير لبسها كله تلبس اللي يصغرها وان تهتمباتفه الامور مثل العطر والعبايه والشنطه وتستخدم اقنعه تجعل وجهها اصغر تنفخه تخليه مليان زي البدر ومقشرات ارجوا اني اكون افدتك ولوقليل 00

الف شكر خواتي الله يعطيكم العافيه