&&&&خبيرات الحفلات والرومانسية تعااااااااالو بسرعة ساعدوني ابغى اسوي حفلة لزوجي ..&&&

وييينكم بنات ما توقعتها منكم ..

مالي الا انتم بعد الله حتى لو فكرة بسيطة اي شيء لا تبخلوا علي ..

رفع

حبيبتي اذا كانت الشموع حقتك كثيره وصغار يعني زي حقت الفواحات حطيها زي الممر يعني يصير في النص في فراغ بحيث انكم تمشون عليه ورتبي غرفه وحطي فيها العشاء ورتبي المكان باالشموع والورد وسوي مكرونه اوكبسه براحتك شوفي اللي يحبه زوجك بس رتبيها وزبطيها ومعاها سلطه خلي كل شي خفيف يعني لاتكثرين طبخ ومعاها عصيركم المفضل وبعدها بدقايق حطي حلى او انا افضل ايس كريم جاهز حطيه في صحون وحطي عليه فراوله وباالنسبه للهديه حطيها مكانه على السرير وحطي معاها عبارات حلوه واذا تقدرين اطبعي له في الكمبيوتر صوره له واكتبي عليها كم كلمتين حلوين وحطيها مع الهديه ووردمع ضوء الابجوره بس هذا اللي عندي وان شاء الله البنات يفيدونك
والله يشفيكم من الحسد والعين

الله يوفقك
اموت في الحفلات هذه لكن عندي زوج كأنه............ ماني قايله عشان ما اخذ اثمه
اولا خذي لك بدلة رقص اذا تعرفين ترقصين وجهزي اغنيه مناسبه في اغاني ما فيها موسيقى
مكياجك خليه صارخ
شعرك يكون مرفوع
البدايه
خذي بطاقه من المكتبه حلوة
واكتبي فيها دعوى باسلوبك
يعني مثل اتقدم وانا كلي شوق لك ان ادعوك لحفلة هذه الليله ومن هالكلام
وحددي له الوقت
او خليه يروح الدوام وارسليها له على جواله
اذا عندك استطاعه احجزي في فندق او شقه يكون احسن والعشاء اطلبيه من المطعم
واطلبي من محل حلويات حلو تورته حقة نفرين
جهزي ورقه واكتبي فيها ابيات شعر حلوة اثناء جلستكم على التورته والشموع اقريها له بتأني
افكاري ملخبطه بس رتبيها
لا تحطين بخور حطي فواحه
بغيت انسى
جهزي له لبس يلبسه عشان ما يقعد لك بسروال سنه وفنيله
الله يوفقك يارب
وعسى بس مايقول لك مالي نفس مابي شي
ترانا متزوجين طعوس

لا اله الا الله محمد رسول الله صلى الله عليه وسلم
سبحان الله وبحمده سبحان الله العظيم