خبيرات الحنه ماعليكم أمر تعالو ساعدوني :(

اصبغيه بالدوج بس الله يعينك ع التقصف

إذا كنت حابة تكملي مع الحنا إخلطيها بكتم بعد ما تتخمر و استعمليها . و إذا كنت حابة تكملي بالصبغات. جيبي لون يكون أسود أو أغمق البني لو حابة تبدأي تستعملي لون أفتح . بس قبل لا تستعملي الصبغة بساعة دهني على شعرك زيت جوز هند بغزارة لفيه أو ضفريه و بعد ساعة أصبغي عادي من غير ما تغسلي الزيت. الصبغة حيكون ضررها أقل بكثير.
أنا بالعادة أحني بس مع الحمل صار صعب بعد السادس و الثقل أوقف كثير لغسل الحنا. فصرت أستعمل هذي الطريقة للصبغ. و لا تقلقي علي اللون ما يطلع الزيت ما يأثر فيه.
بس لازم بعد الصبغ يكون معاملتك لشعرك خفيفة يعني استعملي البلسم بعد الشامبو، استعمل السيروم و الزيت بعد الحمام لما ينشف الشعر عشان ما يضعف من الجفاف.

شكراً لمشاركتكم و أنتظر ردود باقي الخبيرات
واللي تعرف عن الكتم وأستخدمتها تعطيني تجربتها
وإذا تعرفوا عشبة ثانية تخلط مع الحنه لتعطي لون بني لا تبخلوا علي فيها
وشكراً

دام شعرك مافيه مشكله خليه ترى احيانا الالوان هذي تعطي جمال انتى ماتشوفينه بس مع الوقت يزين

استخدمي صبغة الحناء ساينا أظن اسمها
جارتي تستخدمها
وهي حناء مع أعشاب
خذي اللون الكستنائي
والله يوفقك