مرحباا ابي اقتراحاتكم
أنا عندي صالة جلوس ومفتوحه على مكان لطاولة الأكل مفتوحين على بعض ماعرف المساحات كم لكن المكان مساحته حليوة , الأرضية سيراميك أبيض ماقدر أغيره
ودي أغير ديكوراته جذريا ابي شي يخلي المكان شرح وألوان حلوة لكن مو عرضه للأوساخ
الصاله لها بابين الي ملونين بالأحمر اللي فوق على اليسار هذا مقابله طاولة الأكل اللي تحته هذا مدخل للصاله ويعتبر كبير شوي بابين يعني ممكن اني اشيلهم لكن انا حابتهم عشان يعزلون عن المدخل .. واللي بالأزرق شباك
السؤال الأول :
اقتراحاتكم بتوزيع الأثاث بالألوان أو ديكورات أو لمسات تعطيه شكل حلو وبسيطه لأن السكن اجار ماودي اتكلف فيه بزيادة
السؤال الثاني :
عندي شقتي كلها عبارة عن ممر طويل حرف L
ولونه اوف وايت سادة والأرضية سيراميك ساده
ودي انعشه واخلي له شكل
ولا عرفت كيف
ابي اغير البوية ودي بلون حلو وهادي ابي افكار لترتيب لوح أو ستاندات او شي مايضيق الممر لأنه صغير
ابي له افكار ودي اغير لون البوية واحط لوح وديكورات بالجدران ابي صور اقتبس منها أفكار
+ وين أحصل زوالي مدري فرشات طولية بس مو شرقية ابيها سادة زي حقات ايكيا وكذا بس تجي طوويلة شوي
السؤال الثالث :
مطبخي ودي اغيره سمعت اني اقدر اجلده ؟ من وين اجيب تجليدة ماتخرب للمطبخ ؟
وودي بقماش افصله لستاره ومساكات الثلاجة ويكون عليه طبقة مشمع وين احصله ؟
السؤال الرابع :
عندي غرفة النوم تضيق الصدر لونها بني غاامق + الأرضية باركية بني فاتح + الجدران واحد بيج والباقي اوف وايت
الغرفة ضيقه جداا مافيه مساحه لكنب أو جلسه
ولا فيها إلا لوحة وحده لونها بني ببيج يعني كل الألوان كاتمه
ودي أدخل عليها ألوان ثانية تنعشها شوي
المشكلة اللي عندي ظهر السرير عااالي مره . أقدر احط فوقه لوحه ؟
على جنبين السرير ستاير طويله خيزران وتحتهم كومدينات مو عاجبيني ودي أغيرهم بشي يفتح من لون الغرفة ولا يكون طولي عشان الكومدينه تحتهم
عندي شوفنيره فوقها اللوحة اللي كبر اللوحة ماخذه كل الجدار ودي اغيرها وادخل لون ثاني وش الحل ؟ ولا عليها اكسسوار ولا شي أبي افكار ازين فيها الشوفنيرة
التسريحة ماعليها مفرش ولا شي اابي افكار لها ومن وين اشتريهم ؟
هيلب مي
عطوني افكار أو صور لهالاشياء وشكراا
اما بالنسبه للديكورات بما ان الاساس راح يكون ليموني وابيض والابواب احمر معناها باقي الديكورات لازم تكون احمر وفوشي ودرجات الاخضر واقصد بالديكورات الكنب والسجادة والديكورات
وبس انا احب ايكيا وهو ستايلي كل اثاث بيتي من ايكيا ومايتعبني في التنسيق