خبيرات الرجيم ساعدوني جزيتم بالخير

سلام يالغاليات___انا حابه اسال صاحبات الخبرة بالرجيم والا يمارسون الرجيمات عن طريقتي المتبعه هل صحيحه والا بها اخطاء __انا والدة لي 3شهور وهذا حملي 2 ونتيجة لتجمع الاملاح والماء بجسمي وصل وزني 75 يوم الولاده وبعد الولاده باسبوع نزل وزني 65 والسبب كانت كلها مويات والحمدلله __
انا طولي 158ووزني سابقا 55 والحين صار 68 يعني زايد تقريبا 15 كيلو فقررت اسوي رجيم ورياضه
وانا ماشيه على هالبرنامج الصباح اشرب ماء دافي بليمون وافطر بعدها بساعه اي فطور بس بكمية صحن الشاي عرفتوه الي نحط فوقه الكوب__وبعدين اشرب مويه كاستين الى الساعه 1وبعدها امشي نص ساعه طبعا بالبيت و10دتمرين عادي بحيث احرك كل جسمي كاني اطلع درج___وبعدها بساعه اتغدى وغداي مو حميه اكل اي شي موجود لكن اخترت صحن البلاستيك __المقسوم 3اقسام بحيث القسم الكبير احط فيه سلطه وقطعه لحم او دجاج مشويه والقسمين الصغار واحد ملعقتين رز او مكرونه او اي ايدام موجود وربع خبزه سمراء وطبعا كوب عصير___
والعصر امشي كمان نص ساعه وانا حاطه خلطة الزنجبيل على جسمي ____الى المغرب تقريبا اكل فواكه اي نوع مع كوب حليب قليل الدسم_
الساعه 8 العشا نفس الغدا بصحن المقسم وعلى حسب الموجود_
بعدها اكمل مشوار المشي الى 10 وبعدين اتحمم واخذ كاسة حليب وانام__
طبعا عندي ترمس جاهز من الصبح فيه شاي (زنجبيل -شاي اخضر-نعناع اخضر-ليمون-بردقوش)واشرب فيه طول اليوم__والمويه رفيقتي طوال اليوم__واشرب كوب واحد نسكافيه لو بغيت بملعقه صغيره سكر ونسكافيه__واكل تمر بدل الفاكهه كتغير___اذا اشتهيت شوكولاته احط بخبز بر بحجم اصبعين نويلا مسح واكل الخبز مره باليوم

هذا برنامجي ياليت يالخبيرات تطمنوني انه مناسب وزين واذا يحتاج تعديل ساعدوني__
طبعا انا عمري 31 ووزني سابقا 55:44:وحاليا 68:mad:وطولي 158واستخدم في برنامجي شراب الكالسيوم مرتين باليوم واخذ مالتي فيتامين حبه باليوم واسوي حمام زيت لشعري واحط خلطة الخميره لوجهي عشان احافظ على جسمي لايصيبه شحوب:44:


وهذا كل شي عندي وارجو منكم المشوره والراي بعد الله عز جلاله