معلومات حلوه جزاك الله خير
فكره المشمع اعجبتني تقصدين الشفاف الي نجلد فيه الكتب

بصراحه امي حاطه ثلاثه احواض من 12 سنه والله انها ممله وصرنا نحط الصابون في علبه لانه صار باهت وناشف وفيه بياض(الحوض حق الصابون) من كثر استخدام الكلور ومن اسبوع نقلو اهلي وفصلت امي لمطبخها الجديد رخامه بدونه هذي تجربتنا واذا تبغين رخامه حلوه خذي صناعي ماركه روزليت او حول هذا الأسم وفيه محل حللللللو مرة الي فصلت عنده امي واسمه منزل الرياض في الصناعيه صراحه شغلهم حلو وعندهم امانه وانا كمان بفصل مطبخي عندهم بإذن الله وخذي الرخامه سميكه يعني 4سم او6سم حلو شكلها ولاتميل مع الوقت وبصراه المحل سعره جدا رائع مقارنه بالي حول تقريبنا فرينا جمييييع المحلات المشهورة والعادي ولقينا عند هذولا الجوده والسعرالمعقول والأمانه

اختى اسرار الوفاء الله يارب يوفقك ويجزاك خير اختصرتي على تعب كثير وافدتيني بتجربتكم
الف شكر
اخواتي حبيت اسال هل اذا فصلت رخام صناعي احط على كيفي مقاس الاحواض او هم يلزموني بمقاس عندهم او شكل معين

لا اقصد بالمشمع السفر اللي تجي لفه اللي بالعادة تنفرش في الثلاجه او في ارفف الدولايب

كمان افيدونا كمان انا بفصل اعطونا خبرتكم