خبيرات الكيراتين

عزيزاتي ابغاكم تشورون علي
انا شعري مجعد ونافش يعني ما ينفع معاه حتى الشوار والمكر لانه على طول يرجع زي ما كان خاصه مقدمة الراس

مع وجود شيب ظاهر

يعني يحتاج صبغه وفرد استخدمت ماتريكس اول مره النتيجه كويسه بدون خسائر الثانيه مشي الحال بس بديت احس ان شعري ضعف المره الثالثه طارت خصل من شعري يعني كنت المس فروة راسي احس زي الدبابيس الظاهر مكان الشعر الي طار هو مو باين في الشكل بس احس ان فيه شي مو مريح واجلت الصبغه بعد الفرد شهرين وبعدين صبغت بعد الصبغه حسيت شعري ما يتحمل شي واطرافه نشفت خليته كم شهر وبعدين سويت كيراتين بس الكوافير قالت ان فيه نسبة فردعشان الجذور محتاجه

النتيجه الشعر رطب والجذور مفروده بس المشكله ظهرت خصل كثير في وسط شعري يعني طولها تقريبا اربع سم

يعني ما اقدر افرق شعري واذا سشورت توقف الخصل وتسير واضحه بشكل مشوه يعني حاليا امشط شعري وقاصته كاريه بس شكل واحد ماله دبره

قاعده انتظر على امل الخصل تطول بس خايفه اني اذا سويت مره ثانيه كيراتين ولا فرد يرجع الشعر ينعدم يعني تظهر خصل جديده


السؤال الذي افكر فيه لو اني سويت كيراتين بدون فرد اش النتيجه الي رح احصل عليها

يعني لو النفشه تروح والشعر يستجيب لسشوار اعتبر ان هذي النتيجه مرضيه واذا ما ينفع اخبروني
والي عندها فكره لشعري تنجدني ولها اللاجر