^
^

يب

صح الي في عمارة الرصيص في العلياء العام..

بالنسبة للبوالطو وانا اختك يعتمد على المقاس انا هالسنة فصلتعلشاني سمنانة
بس بالعادة اخذ من الراقي يجي عنده بدل وجكيتاتها طويلة زي البالطو حيل راقية وعندك المخزن الكبير الي بالوزير مو الي بالعليا العام برضو عنده بوالطووو مهيب شينة
وفيه عندك محل بالعليا مول اول ماتدخلين من البوباه الرئيسية يمين بس مااذكر وش اسمه تعرفين كبر السن شين
لكن اذا تبين تفصلين حلو خذي لك قماش كتان من النوع الي ما يتعفل ولون عملي مو اذا قعدتي يبقع والا امطرت ياسلام انواع الخرايط وسويه على شكل جاكيت ياقته قلابيات نازلة مو صاكه الرقبه وخليه زي البالطوو له عراوي للحزام بس انتي لاتحطين حزام.. وخلي له جيوب مايلة من كل جهه زي جيوب البالطووو وخليه طويل يعني ما يقصر عن البنطلون الا شبر ونص علشان ما يغط في الارض وتصيرين انواع التساحب فيذاك ثمن عاد يقولون اذا شافوتس جت النظيفة لانتس بتنظفين الشوارع اذا خليتيه طويل..وخلية مفتح مع الجوانب بحيث اذا قعدتي يكون مريح وخيطي مع بنطلون من نفس النوع ونفس القماشة خليه وسيع وخلي خصرة نصف مغاط اريح لك تعرفين سفر ويمكن تطلعين من الصبح ماترجعين الا اخر النهار..
انا سويت هالسنه بدلتين لان كل السفرة خمس ايام كانت بلندن اخذت قماش جنز ازرق غامق واسود برصو جنز بس انه حيل طايح مو واقف كان وش اغدي وفصلته زي المديل الي قلت لك وخليت الخياطة تسوي لي عليه مدقات زي الجاهز وربي طلع يجنن حتى صاحباتي اخذوهم يفصلون عليها.. بس انا اخترته جنز ابيه متين لاني يوم اروح كان حيل برد بس انتي اختاري خامة خفيفة وعملية..

جفنشي ذوق واسعرة معقوله من 800-3500 وعلى فكرة ما تقلدت ابداً

لحظه غاده انتى تقصدين الراقي اللى بالـ 30 ؟؟

هلا شهاليل ايه الي بالثلاثين ..
بس انا شايفتها من مدة والله لي يمكن سته شهور مارحت له لهيت الله لايشغلنا الابطاعتة عن الاسواق..

الا شاليمار نسيت اقولك اذا تبين تسوين عبايات اي محل يسوي لك بس انت روحي وجيبي قماش واتوقع انسب نوع الكريب واختاري ابو عرضين واذا مالقيتي لاتجيبين ضروري ابو عرضين وخذي للعبايه خمس امتار طيب انا اولت اللعام فصلت عبايات وخليت فيها طابع المغربي تعفرين القيطان وخليته من نفس اللون ترفين طلعت روعه بذات الازارير القيطان.. الكبيرة شوي... وبعدين خليت الازارير ديكور لاني خفت تبلشني كل شوي تنفتح وخليته يحط لي سحاب مخفي من اول العباية لاخرها ومن جد مريحة بقوة..وفصلها لي سيدة الرياض وعموما اي محل عبايات يسويها..