خبيرات المعجنات .. تعالوا ساعدوني .. كيف أفرد العجينه بشكل صحيح

اول شي لازم تعجني العجينه زين وتتاكدي انها ما تلصق في ايدينج

وبعدين اخذي منها قطعه وافرديها بالفراده وهي ضروريه تكون عندج (ممكن تاخذين عصى مكنسه :) شكلها يكون اسطواني ... اكسريها وخلي حجمها مناسب واغسليها زين ونشفيها واستعمليها... )

وانتي تفردين لازم تحطين طحين تحت العجينه وفوقها

وطبعا الطحين يكون بالرش مو تترسينها

ولما تفردينها قطعيها مستطيلات بعرض المسطره

واخذي كل قطعه مستطيله ولفيها على الاقماع

وراح تضبط معاج ان شاء الله

:26:

ورده ذبلانه وأم عزيزان
مشكورين ماقصرتوا على الردود والنصائح وأنا عندي فراده وطاولة الفرد الخشبيه بس المشكله إن العجينه كانت تلصق في الفراده وتلتف عليها وتأذيني ماتنفرد

بكره انشالله بجرب أحط طحين تحت العجين وفوقه وياارب تضبط معاي

يعطيكم ألف عافيه وجزاكم الله ألف خير

والله كأنج توصفين حالتي .. انا جربت عجينة العشر دقائق بعد ماشفت موضوع لاحدى الاخوات باسم فطائر جامبو .. وبالفعل استوت الفطيرة عندي اكس لارج جامبو
العجينة تمت تلصق خفت احطلها طحين في الفرد لاني حسيت انه يبالها طحين وايد لين ماتنفرد فخفت ماتنتفخ في الفرن .. جان اتخلى عنها ورديت لقيتها انتففففخت في الطاسه قلت دام ان العجينة زينة خليني اشكلها باي طريقة جان اييب الصينية واسوي فيها اربع فطاير شكلهن اربع اكفان ملفوفة لاني ماقدرت افردها فسويتها اسطوانات بيدي وبعد الخبز طلعت مضبوطه ولذيذه بس حجمها خيااالي حتى امي قالت لي انتي فشو كنتي تفكرين يوم سويتهن شبهتهن بشيء احم احم .. لعوزتني هالعجينة بسبب االتصاقها .. بحاول اطبق طريقة الاخوات جزاهن الله خير وبشوف

ماروكو

هههههههههههههههههههه

الله يسامحج اكفان عاد

مو معقول هذى العجينه جدا مضبوطه وما تلصق

وبعدين لازم وانتي تفرديييييينن اي عجينه لازم يبيلها ترشين طحييييين تحتها

هذى الشي احفظيه :)

ههههههههههه ماروكو حلوه ضحكتيني بس عاد سؤالي أمك شبهتهن بشنو ؟؟ :D

بس هي فعلاً وايد تلصق العجينه وقت العجن حتى لمن سويت منها خلية النحل أضطر أغرق يدي طحين عشان ماتلصق وتأذيني بس العجينه عجيييييييييبه وطريه وااايد لمن تستوي يعني تسوى التعب :30:

شوفي ماروكو أنا ما احاول أخلط الطحين مع العجينه كامله ، أحطه بس على الأطراف أو بمعنى آخر السطح الخارج حق العجينه وأقدر أشكلها ولا تخترب بالعكس تظل طريه :)

أم عزيزان مشكوره حبيبتي على المرور والتفاعل في موضوعي وهالشي مو غريب عليج يافنانة منتدى الطبخ ، على فكره أنا من متابعين مواضيعج أول بأول وانتي فعلاً فنانه ماشالله عليج

يعطيكم ألف عافيه وكل عام وانتو بألف خير