خبيرات حافز تعالن الله يرزقكم ماتتمنون

سبحان الله وبحمده سبحان الله العظيم

الحال من بعضه ودي افتح حساب بس يقولون زحمه

اممم اللي تعرف تعلمني وبدعيلها

اول شي سويلك بطاقة احوال وترى سهلة مره تاخذ 14 يوم فقط وماتقدري تفتحي حساب في البنك الا فيها واذا ماتقدري جيبي ابوك أو اخوك أو زوجك بشرط يكون معاه بطاقة احوال ويعرف يقرأ ويكتب حتى تفتحي حساب انتي في الفرع النسائي وولي امرك في الفرع الرجالي
اما اذا معاك بطاقة احوال مايحتاج تجيبي احد معاك تفتح لك حساب بالراحة وبسرعة :)
اذا بتسوي بطاقة احوال جيبي معاك احد يعرف عنك ابوك أو اخوك أو زوجك في القسم الرجالي وانتي في النسائي معاك يكون كرت العائلة صورة واصل ويكون معاك صور خاصه لك مقاس 6 حتى يحطوها في ملفك في الاحوال المدنية
عاد انتي اختاري من طريقتين اللي كتبتها تطلعي بطاقة احوال وتجيبي معرف عنك أو تفتحي حساب لك بالبنك وتجيبي معرف لك :)

بعد ماتفتحي حساب بالبنك افتحي موقع حافز ودخلي بياناتك كامله ورقم الايبان ورقم الجوال اهم شي تاكدي منهم اذا دخلتيهم
بعدين اعتقد تجيك رساله من حافز على جوالك انك مؤهله او انتي تابعي صفحة التسجيل بحافز يكتب لك هل انتي تاهلتي بحافز او لم تتاهلي
وبعد كذا ينزل حافز بحسابك 2000 ريال كل شهر في حال ماكنتي تابعه للضمان الاجتماعي
حاولي تسجلي بدري لان حافز 2 بيفتحوا التسجيل فيه قريبا وماتدرين يمكن يحذفون حافرز1