سافري بالسياره واحجزي الفندق من هنا واستخدمي المترو في دبي ماراح تكفك كثير

تحياتي

لاتنسين تروحين مدينه العين لاتفوتك روووعه فيها العيون الحاره
وفيها حدائق المبزره وداخل الحدائق هذي شاليهات لانها كبيرررره مره وجبل حفيت

شوفي التوقيع حقي موضوع كتبته
والبنات ما قصر بردودهم ادخلي واستفيدي

شوفي يالغاليه بالنسبة للطيران مااقدر افيدك لاني دايما اروح سياره
بالنسبه للسكن انصحك بقوة بالحجز من هنا عن طريق عرب لينك انا مجربتهم اسعارهم مرررره حلوة وفرق من انك تحجزين مباشره عن طريق الفندق ادخلي المسافرون العرب بوابة الامارات وشوفي عروضهم وباذن الله ماراح تندمين ونصيحه اسكني في منطقة البرشاء على طريق الشيخ زايد هالمنطقه كلها فنادق وشقق مفروشه والمنطقه جديده وعائليه جدا ومحترمه مافيها لا بارات ولا مراقص
وبالنسبه للتنقل اذا بتروحين بالطياره عنك حلين اما تستاجرون سياره او عن طريق المترو وهو الخيار الافضل والاوفر واستخدامه
سهل جدا وبنفس الوقت اسرع من السياره يروح يومكم وانتم ضايعين بس ابعدي عن التكاسي لانها غاليه الا اذا ميزانيتك تسمح وماعندكم مشكله وترى بنزينهم غالي مو زينا رخيص
بالنسبه لبرنامج الرحلة اذا انتي سكنتي بالبرشا روحي اول يوم لامارات مول لانه جنبك بيصير وفيه سكاي دبي والمقهى الثلجي
وفي يوم روحو لابن بطوطه في النهار وفي الليل روحو منطقة الجميرا
وفي يوم دبي مول وهذا يحتاج يوم كامل وفيه الاكواريوم وهو حوض سمك وفيه النافورة الراقصه المول جدا جدا رائع ويمكن صعب تغطونه بيوم
وفي يوم روحو لجزيرة اتلانتس وبعدها روحي سوق الصين
في اليوم الخامس ممكن اذا كانت القريه العالمية مفتوحه في فترة سفركم ممكن تروحون لها
واذا تبين اسواق شعبيه عندك سوق نايف والسوق الايراني اللي يسمى راس الخور وفيه الزعفران والبهارات
تقريبا هاذي ابرز الاماكن اللي تقدرين تزورينها بخمس ايام
وبالنسبه للميزانيه اكيد تختلف حسب صرفك يعني انا رايحه بالصيف ومعي طفلين كنا حاطيم ميزانيه الف في اليوم شامله كل شي جلسنا عشر ايام بعشر الاف شامله السكن والاكل والتمشيات والهدايا وتسوق خفيف يعني من الى وزي ماقلت لك على حسب صرف يعني اذا بتاكلين بوجبات سريعه اسعارهم نفسنا تقريبا بس اذا مطاعم عاديه اكيد اغلى والتنويع حلو
والسكن انا اخذته ب ٥٥٠ و٤٥٠ مصروف يومي والحمدلله كفت وزياده

اولا مشكورة على الرد حبيبتي ثانيا ماقدر ياقلبي اسافر بالسيارة زوجي رافض مايحب الخطوط