ماشاء الله يابنات دخلت الركن قبل كم يوم وفتحتوا نفسي بصراحة الله يوفقكم .. حتى بنتي قالت لي لما اشوف الصور اتحمس للتنظيف ..
اتحملوني بدي اقولكم قصتي .. انا عضوة قديمة مرة بس اغيب وارجع للمنتدى ولي مواضيع مرة قديمة في ركن التجارب ..
طبعاً زي اغلب من في الركن ماعندي شغالة وقدمت على شغالة فلبينية قبل سنتين تقريباً وحصلت اشياء غريبة المهم انه ماجاتني شغالة لمدة سنة ونص .. وآخر شي تاني يوم العيد وصلت الشغالة بعد مانشف ريقي وانا انتظرها لما راح جوزي يستلمها لقيهم سفروها لأنها مسجلة في القائمة السودا..
فمازلت بدون شغالة .. احيان افكر انه هدا قدري خلاص ولازم اكيف نفسي .. بس مشكلتي الضيوف .. بصراحة صعب مرة .لأنه ضيوفي غااااااالباً يقعدوا يومين وفوق ومرات يتصلوا قبل بساعة والا اتنين ..ويكون عشا والا غدا ..احس اني لازم اكون مستعدة على طول.. لو اني يومي الروتيني يمشي الحال ..
كمان نفسي ارجع اكمل دراستي .. انا كنت مغتربة في امريكا ٨ سنين ورجعت من سنتين ونص وربنا رزقني ببنت عمرها سنة وشهرين دحين ..وعندي قبلها ولدين وبنت .. الله يحميهم ويرزقني برهم ..
معليش طولت عليكم سؤالي هو هل اجد هذه الأشياء في رامز فرع مكة العزيزية؟
لأني أفكر الأسبوع الجاي ارح لأهلي ورامز قريب منهم ابغى امر عليه..
هده من موضوع الأخت ماء الكافور الله يوفقها ..
وهدا من سمسومة الله يجزيها خير .
وهده دوبها نزلتها وسونة عجبتني الله يبارك فيها .
ننتظرالبنات يمكن يفيدونا