يا هلا فيك أختي شذى السوسن ..
وحياك الرحمن بصلاله ..
شوفي عيوني بجاوبك على إستفساراتك..
أولا صلاله وبدون مدح لمدينتي الغاليه ساحره بكل معنى الكلمه واقصد هنا الطبيعه الربانيه والجو الخيالي .. بصراحه شي عجيب وفوق الخيال ..
وأعتقد المده شهر رح تكون شوي طويله ومليله بسبب عدم توافر المجمعات التجاريه ولا المرافق السياحيه... اسبوع إلى 10 ايام أظنه كافي بس هذا يعتمد يعني إذا تحبون الطبيعه وما همتكم لا اسواق ولاغيرها .. فأسبوعين تمام لأن الأماكن السياحيه والعيون والجبال ولله الحمد كثيره.. يعني كل يوم رح تقضوه بمكان .. هذا إذا الجو كان صحو شوي لإنه لو كان ممطر أو رذاذ متواصل فرح يكون شوي صعب عليكم تطلعوا للجبل وما شابه..

أما أحلى الأماكن فهي .. شاطيء المغسيل رهييييب ..
وعندك بعد االجبال شي عجب .. وفيه عيون كثيره وكل وحده أحلى من الثانيه ..
عين حمران . عين رزات . عين صحنوت .عين جرزيز , وعين دربات وهذي روعـــه لو الأمطار تواصلت وكانت غزيره فالعين تنفجر وتنزل على شكل شلالات من فوق الجبل ..
وفيه شاطئ مرباط .. ريسوت ... حلوين ..
وغير السهل اللي يكتسي باللون ألأخضر ... ويمتلىء بالعوائل الظفاريه اللي تنصب الخيام فيه وتتمتع بالجو الرائع ..
أما ا لفنادق .. فأرقاهم الكروان بلازا .. والهيلتون .. وإثنينهم يطلون على البحر
واسعارهم بالخريف ترتفع شوي وتتراوح بين ال600 وال800 ريال يعني حسب .. هذا اللي اعرفه وممكن تكون تغيرت ..
وفيه فنادق ثانيه تيجي بعدهم وهي فندق بيت الحافه .. وهاملتون بلازا ..
وغير طبعا الشقق والفلل ..وأتوقع أسعارهم مناسبه ..
وبخصوص تنفع لعائله صغيره أو لا.. فأكيد تنفع .. بس بعد يعتمد عليكم مثل ما قلت سابقا إذاتحبون الهدوء والطبيعه ..

هذا اللي عندي الحين ..
وأتمنى أكون أفدتك ولو بالقليل ..واي إستفسار انا حاضره .
موفقه يارب ..وبحفظ الله ..

مشكورة ياعمري لمسة ذوق كلك ذوق

ماقلتيلي عن الجو في صلالة هل بيكون بارد على بنتي يعني اخذ معي ملابس شتوية اوربيعية

وبعد حبيت اسألك عن افضل الأسواق الشعبية في صلالة وينفع اخذ منها هدايا

اختي انا زرت صلاله وبصراحه حلوه وايد واستانست يمكن عشان كنا عائله وجمعه وهي فعلا حلاتها تكونين مع جمعه بس انا اقولج لا تخترب سفرتكم وتطولين خليها قصيره بالنسبه لي 4 ايام بالكثير اسبوع لأن هي صغيره وفيها الطبيعه اكثر يعني هي للكشتات مو حق اسواق وبالنسبه للجو كان رذاذ وايد يعني اخذي ملابس عمليه تنفع للجبال
وان شاءالله تستانسون

تاخرت في الرد0000المعذره شذى 000الجو رائع هناك مايحتاج شتوي ربيعي مناسب000 ومسقط رهيبه000وفيهامراكز تجاريه ولايفوتك شاطئ ومنتجع سمهرم في صلاله 000 ولاحظت اختي العزيزه الطيبه والامن وبشاشة اهل عمان 0000وشئ ثاني بغيت انسى مهم جدااااا انتبهي من الناموس وطبيعي علشان الامطار والخظره انتبهي على الصغيرة حفظها الله

عندي سؤال اذا ممكن؟؟
ابي اسال عن صلاله هل هي زي دبي بالانفتاح؟؟
ولا الناس متستره..
وهل فيه سياح اجانب..لاني سمعت ان صلاله محافظين مره بس ابي اتاكد