حبيبتي اكيد الخل لة دور ضعي قليل من الخل على التتبيلة وانا اذا سويت صنية بفرن ضروري الغطية بقصدير واذا نضج ارفع القصدير وتركة يتحمر ودعيلى بفرج القريب استغفر الله لى ولكم والمسلمين الاحياء والموات

انقعيه في لبن او زبادي ليلة كاملة

حبيبتي قد سمعت وحده تحط مع الدجاج المشوي بيكربونات الصودا اللي علبتها زي البكنج بودر وتقول يظبط معاها

الحل يا قلبي انك ما تدقيها بالشوكه وهي على الشوايه عشان تحافظي على العصاره اللي داخل الدجاجه
وما تقطعيها الا بعد ما ترتاح ب10 دقائق
تبغي وصفات ابشري
جيبي صدر دجاج وتبليه ملح وفلفل اسود قليل وخل ملعقه
وحطي على الصاج ملعقه زيت ولما يسخن حطي صدر الدجاج واتركي النار مثل ماهي متوسطه لا تخفضي النار وغطي الصاج لمده 5 دقايق
ثم اقلبيه بدون لاتدقيه بالشوكه او السكين واتركيه 5 دقايق ثانيه وعلى حراره منخفضه نوعا مااا
ولمده 5 دقايق
وطلعيه بصحن بدون لا تقطعين وجهزي لك خبز البرغر مع الجبن والكاتشاب وسوي لك ساندوتش مثل ساندوتش الوابر

وممكن لما تقلبي الدجاج تضيفي على جنب في الصاج فلفل رومي وبصل وجزر رفيع
وتقلبي الخضار بدون لا تقربي للدجاج

للشوي
بعد ماتتبلي الدجاج
اتركيه لمده ربع ساعه على كل جنب بدون لاتطعنيها بالسكين او الشوكه
وبعد ما ينتهي الوقت طلعيها لما يكون وزنها فوق ال1100
وطبعا الجمر يكون تحتها متساوي رح تنهبلين منالطراوه


في الفرن
تبلي الدجاج واحشيها بصل وفلفل وضيفي لخلطه التتبيل ملعقه عسل تفيدك للتحمير وتعطي نكهه لذيذه ماتتخيلين قد ايش لذيذه
ودخليها للفرن على حراره 190
وبعد ربع ساعه خفضي النارالى 160 واتركيها لمده 45 دقيقه
بدون لاتفتحي عشان ماتتغير حراره الفرن
وبدون لاتغطينها بقصدير
وبدون لاتطعنيها بالشوكه
واهم شيئ الدجاجه تكون مبرده او ذايبه تمااااااااما بحراره الغرفه بدون استخدام المايكرويف
وبعد كذا حضريها مع رز ابيض وتمتعي بالذ دجاج
من جد جربي الطرق اللي اعطيتك رح تعرفي الاسرار
انك ما تطعنيها وتحافظي على العصاره
انك تكوني رافعه النار لحد ما ينكمش السطح العلوي وتبقي العصاره في الداخل لحد الاستواء
لان العصاره لما تخرج معاك يقسى الدجاج
وطريقتي هذي استخدمها للدجاج دائما بالعافيه
ما انكر دور التببيله وخاصه باللبن او الزبادي
ولا انكر دور الخل
ولا انكر دور الدجاج المبرد
لكن السر الحقيقي هو عدم التطعين والحراره العاليه

سبحان الله كنت يسال نفس السؤال .. بس انتي سبقتيني .. شريت صينيه شي ( مثل الصاج ) وودي يكون الدجاج طري ولونه احمر
حاولت مرتين حطيت كاتشاب وبارات ومانقع طلع يابس ولونه مو شهي بالمره .ز ياليت البنات يفيدونا (اسفه على الاطاله :)