خبيرات لندن ممكن مساعده؟؟؟؟؟؟؟؟؟؟؟؟؟؟؟

صراحه :( :( :icon33:
احرجتوني عند زوجي يقول هذا حواء الي صاجتنا فيه

على الاقل رد واحد يجبر الخاطر

و الله في اشياء كثيرة..شوفي رابط بنات بريطانيا في معلومات كثيرة.
اذا بس اسبوع ما يكفي تطلعوا برة لندن...شوفوا المتاحف، و الحدائق في لندن و الاسواق كثيرة..اهم شارع اكسفورد ستريت، ريجنت و بوند ستريت...و ايضا نايتسبردج

شوفي رابط بنات بريطانيا في هذا القسم تجدي ما يسرك

اختي سنيوره

سامحيني ولكن خبرتي قليله جدا
بالنسبه للحدايق في كثير منها الهايد بارك - الرجنس بارك - كيو قاردن (هذه رائعه مرتبه وفيها اشجار من جميع انحاء العالم ودخولها برسوم اظن 9 باوند للكبير )

كمان عندك لندن اي حلوه ولو مشيتي حولينها تلاقي كشكات حق ملابس غريبه وحلوه بس غاليه لان اغلبها شغل يدوي مثل اشياء الشتاء - وكمان في المتاحف

وما ادري بالنسبه للاولاد ما اعرف ملاهي مشهوره ولكن الان في منطقة كنتون في حديقه كبيره في شارع كنزبري عاملين فيها ملاهي كبيره وحلوه في العاب للصغار وكمان للكبار
احيانا يكون فيها عروض مثلا الخميس الماضي كانو عاملين الدخول ب 6 باوند وتلعبي 3 ساعات " انا ما رحت بس جارتي قالتلي"
انا يوم رحت كان اللعبه للصغار ب 2 باوند وبعضها 1 باوند ونصف

الاسواق عندك كثير ما شاء الله
اكسفورد استريت - برنت كروس - جنب لندن اي يقولوا في مركز مررره كبير بس انا ما اعرفه
في منطقه تبعد عن لندن تقريبا 20 دقيقه اسمها وادفورد حلوه ومركزها كبير وحلو( عباره عن مركزين جنب معض وكمان في محلات على امتداد الشارع الرئيسي)

كمان مدينه ريدنق تبعد عن لندن تقريبا 45 دقيقه بالكثير مراكزها حلوه


والمطاعم العربيه عندك اجور رود مليان
واذا تحبي الاكل التركي اعرف محل حلو وحيناسبك كثير لو انك منقبه لان المطعم في ميزه حلوه بعض الطاولات محاطه بجدار صغير وباب يعني لو جلستي وكشفتي ما تباني وحتى لمن يجيبوا الاكل يجلسوا في الارض ويدقوا الباب

كمان في مطعم لبناني اسمه ادنوس قريب من جامعه UCL في نفس شارع المسجد (اذا افتكرت اسم الشارع اكتبلك هو ان شاء الله)

وبالنسبه للارياف ما اعرف غير cheltenham بعد مدينة اكسفورد

سامحيني هذا الي افتكره الان

مشكور اختي Dowain
ومشكور اختي اذكري الله
بس حبيت اسال المراكز الي برى تقول اقل بالسعر من داخل لندن ولا نفس الشي
وياليت تعطيني عنوان المطعم التركي
واذا كان عندك فكره عن مكان للسكن الله يجزاك خير
ومشكوره مره ثانيه
واتمنى الرد من البقيه

هلا اختي سنيوره اعذريني على التاخير

بالنسبه للمراكز انا الي شفته نفس الاسعار بس كثير يقولوا هناك التخفيضات اكثر

بالنسبه للمطعم ارسلت لك العنوان على الخاص لاني اخاف المشرفات يزعلوا علينا

بالنسبه للسكن والله ماعندي خلفيه

الفنادق الخمس نجوم ما حتكون اقل من 80 وانتي طاااالعه
بس انا افضل الفنادق الاقل سعر مو لازم 5 نجوم لان اغلب الوقت حتكوني بره وما حترجعي الفندق الا وقت النوم