مشكوره اختى خيماويه انا ماشفت ردج الظاهر كنا نكتب مع بعض

مشكوره الغاليه على المشاركه . :26:

أنا جربتها كذا مرة ودايماً تضبط معاي.. أستعملها مع فرشاه خاصة ... لما تستعملينها لا تستخدمين ماي وايد... وطبعاً قبل ما تحطينها تحضرين البشرة بكريم بيس مرطب... بعدين بعد خمس دقايق خذي ورقة كلينيكس ونشفي فيها الكريم الزايد.. بدون ما تمسحين يعني بطريقة التربيت ... بعدين حطي كريم الأساس.

هلا خواتي .. تجي مع هذي البودرة اسفنجه برتقاليه ( هي كبيره شوي وفيها فتحات علشان تتشرب الماي ) بس اذا ما عندج ممكن تجربينها مع اي اسفنجه اساس ثانيه وطريقتها ..
اول شي تبللين الاسفنجه بالماي وتضغطين عليها شوي بس وبعدها تفركين فيها البودرة بشكل دائري تقريبا خمس مرات ( علشان تتشربها الاسفنجه عدل ) وبعدها تبتدين تمسحين على وجهج بها من الداخل للخارج يعني من اتجاه الانف للخارج ..

واي سؤال عن بن ناي انا حاظره <<<< .. يقولون عنها مندوبه مبيعات بن ناي خخخخخخخخخخخخخخ :17: ( ترى اشاعه )

مشكوره الغاليه العروسه دائماً( انشاء الله دوم )على الرد

انا عندي هذه الاسفنجه بجربها انشاء الله بس بغيت اسألج الغاليه انتى اتحطين قبلها كريم اساس؟
واذا اتحطينها بروحها اتسوي تغطيه للوجه ؟

الغاليه ما ادري ليش ما يثبت معاك كريم الاساس مع اني استعملها كل يوم ما عندي مشاكل، اختي اتاكدي من نوع الاسفنجة لازم تكون مشبعة بالماء مب وايد والا شوي وما في مشكلة اذا وجهك كان مغطي بكريم والا عادي ان دائما احط كريم الاضاءة قبل وبعدين احط الكريم الاساس اللي رقمهم 50و5 وبالعكس يطلع الوجه رهيب. صح في شي بعد اذا حاولتي نفس الطريقة اللى ذكرتها وما نفعت حاولي اتقشرين شوي سطح كريم الاساس يعني خذي كريم الاساس وبالسكين قشري السطح علشان يطلع طبقة ثانيه وحاولي مرة ثانيه انشاء الله ينفع معاش.:24: