مشكورين يا بنات والله ماقصرتوا
الله يسهل اموركم ويسعدكم
طيب بنات فية وحدة مدحت سوق تقول بوسطة نهر هذا اي سوق ؟؟؟
وسؤالي الثاني كم تبعد سلانجور عن كوالا لمبور ؟؟

السوق اللي بوسطة نهر هذا بسيلانجور بس وعععععع ومو راقي ابدا

ومافيه زحمة يجيب الاكتئاب انا رحت له العام نفس الوقت هذا من السنة

الظاهر مافيه الا انا وعيالي والبياعين يجيب المرض الصراحه لاتضيعين وقتك فية ...

سيلانجور تبعد ساعه او اقل بشوي عن كوالا بس احلا مافيها الصن واي لاقون هذي لو تجلسين فيها شهر مابتملين ابدا ..

الله ييسر لك يارب والله شوقتيني للسفر وخصوصا كوالا غير عن كل مدن العالم ,, اللي يروح مره لازم يرجع لها صرت رايحتلها ماشاءالله ثلاث مرات وخاطري باالرابعه هههههههههههههه
..

1- كم تكلفة الرحلة لمدة 8 ايام لشخصين
يعتمد عليكم من حيث الفنادق والتمشيات وترى 8 ايام ماتسوى زيديها وخليها اسبوعين راح تكفيها
2- وش احلي المناطق في ماليزيا
شوفي ياطويلة العمر اول ماتوصلين كوالالمبور اسكني في الصن واي لاجون عبارة عن فندق وملاهي والعاب مائية ومجمع تجاري وهذا الفندق يعتبر ببداية كوالالمبور اقعدي فيه يومين لاتفوتين السكن فيه وبعدين روحي بنينغ عبارة عن جزيرة تروحين لها بالطيارة او الباخرة بس احنا رحنا بالطائرة اسرع وفيها عدة فنادق اهم شئ تأخذين فندق عالبحر هاذي 3 ايام تكفيها وارشح لك فندق شنغريلا جولدن سانس واخذي غرفة اطلالتها عالبحر وبعدين ارجعي كوالا لمبور وروحي جتنيغ عبارة عن منطقة جبلية باااردة وتغطيها الغيوم هاذي الناس تروح لها بنفس اليوم ويرجعون بس الواحد مايرهق نفسه اقعدي فيها يوم وفيها فنادق واحلى مافيها الملاهي العبي على كيفك طيب وبعدين ارجعي كوالالمبور واسكني بفندق قريب من البرجين عندك فندق ماندرين وفندق تريدرز كلهم حلوين وقريب منهم اكواريا عبارة عن عالم الاسماك وفيه شارع العرب كله مطاعم وكوفي شوبات
3- كم تبعد مناطق ماليزيا عن بعض
بينغ بالطائرة مو بعيدة اقل من ساعة
وجتنيغ تقريبا ساعة ويعتمد على حالة الجو لأن احيانا يكون مطر وضباب
4- وش احلي شي رحتوالة في ماليزيا
عجبني الصن واي لاجون على اني مادخلت الملاهي اللي فيها لأن كان فيها صيانة لمدة اسبوع بس الفندق رايق واطلبي غرفة تكون اطلالتها على الالعاب المائية
5- وش الاسواق الحلوة عندهم
عندهم مجمع اسمه وندر لاند حاجة زي كذا فيها لاند فيها قوراب وسط المجمع وتأخذين جوله في البحيرة
مجمع سوريا عند البرجين حلو
ومجمع ميغا مول
هذا اللي اذكره
اتمنى افدتك عزيزتي
رحلة سعيدة باذن الله

عزيزتي

ماليزيا ,,,

آآآآآآآه يا ماليزيا روعه ,,

رحتها ثلاث مرات ,, ولولا الملامه راح أعبي شنطتي اللحين وأروح ..

من جد 8 ايام مره قليله ’’ آخر مره رحتها كان بالصيف الماضي ,, وقعدت 22 يوم ..

بالنسبة للسوق اللي بوسطة نهر إسمه المارينز تروحيله من سلانجور ,,

أنا في رأيي لو تقدري تطولي المده أقل شي 15 يوم .. تكون الرحلة روعه ..

شوفي يا ستي :

1 ) بينانق جزيرة صاخبه , رااائعه ,, ألعاب مائية ,, لمن يحبون المغامرات الجتسكي والبراشوت والبنانا , وغيرها كثير دبابات بريه

والخيول ,بإختصار حركه وفيها السوق الصيني رااائع على شاطئ باتوفرنجي , وعلى هذا الشاطئ يفضل السكن الكثير من العرب ,

لأن الشاطئ مليئ بالحيويه والحركه والشارع مليئ بالمطاعم , حديقة الطيور , حديقة التوابل , حديقة الفراشات حديقة القرود حلوه

كبيره وفيها أشجار عملاقه إشتغلنا تصوير تحتها ,, بس نصيحه لا تروحين إلا بعد الساعة 2 لأن الجو في الصبح يكون حار إلى إذا كان الجو غيم ..

2) لنكاوي جزيرة هااادئة , وفي نظري أكثر من رائعة وتستحق الزياره ,,في بعض الناس ما يفضلون الذهاب لها ,

وفي آخر مره رحتها كان زوجي يقول لا مانروح وأنا أقول نروح ويوم رحنا قالي بصراحه كويس وأنا سمعت كلامك ..

لاتفوتي فيها رحلة المانجروف ,, أروع رحلة رحتها بحياتي بالبوت .. شيء لاينسى أبداً .. والشلالات يقولولها بالماليزيه ( شلالاه )

روووعه , حديقة الفواكه وشوفي أنواع الفواكه الغريبة , وفي عالم تحت الماء ..

3 ) إذا فيكم لرحلة بالسيارة يعني طويله شوي أذكر تقريباً 4 ساعات مو فاكره بالضبط ,, بس من جد رحله تستحق التجربة

رحتها في المره الثانيه بس تعبنا فيها عشان كان معايه أطفال وكانت بنتي الصغيره عمرها سنه بس ,,

وفي المره الثالثه رفض زوجي نرحلها لأنه كمان كانوا بناتي معايه وخاف يتعبون وينكدوا علينا .. وبصراحة تحسفت عليها كثير ..

المنطقة إسمها كاميرون هايلاند ,, جبال عاليه , بااارده , رومنسيييييية , فيها / حديقة فراشات ,

ومزارع شاي على مد البصر , ومزارع فراوله , حديقة العسل ..

منطقة خضراء بشكل مو طبيعي هااااادئة جداً ..يكفيها يومين بس ,, لأن مافيها أماكن كثيره ,, بس في رأيي رهييييييبه والود ودي أسيب بناتي في المره الجاية عند أهلي بس عشان أروحلها ..

في كثير ناس يقولون ياليتنا مارحنالها , كئيبة وممله ,, بس من جد تجنننننن تجنننننن تجننننن ..

كفايه عليك الجو والخضرة .. برأيي لا تفوتك خصوصاً لو كان الشخص الثاني اللي معك زوجك ..

4 ) سلانجور / خاصة بفندق صنواي لاقون ,, بناتي يسموها مدينة البحيرات ,, عشان كلها مسابح في مسابح والعاب مائية ..

تعجبني مرة بس إذا ماتقدرين تشوفين حريم تسبح بلااااش .. بس إذا في إمكانك تمشي مغمضه لا تفوتيها ..

5 ) مدينة جنتنق هايلاند / عبارة عن جبل ترحيله أما من سلانجور أو كوالا تقريباً ساعه وشويه ,, البعض يقول يكفيه زيارة نهار واحد من كوالا

وأنا في رأيي إنه على الأقل يومين إلى ثلاثة أيام ,, لأني ما أتخيل إن جبل به 5 أو 6 فنادق مرتبطة ببعضها ومدينة ألعاب خارجية وداخليه

وقاعة ألعاب إلكترونية يعجز الشخص عن تحديد حجمها ممكن يكفيها نهار واحد .. طبعاً هذا إذا كنت تحبي اللعب زي حالاتي ..

غير عالم الثلج , والاسواق اللي في هذا الصرح الكبير والمطاعم العالمية لا تعد ولا تحصى .. شيء لا يوصف فقط تخيلي وإستني حتى تشوفي بنفسك ..

6) آخر محطاتك خليها في كوالالمبور ,, ممكن منها تروحي لمنتجع أفاموسى ,, لمدة نهار واحده ,, يضم المنتجع / عالم سفاري ,

عروض الكوبوي ,, عروض للحيوانات والطيور والفيله ,, يعني عروووووض ,, وعالم المياه مسابح وزحاليق مائية ..

بس نصيحة مني لاتفكري تسكني فيه ,, لأننا يوم سكنا قبل آخر مره كرهنا أرواحنا ,, تحسين نفسك مقطوعه عن العالم ,,

وعشان مافي أي شي ممكن تشتريه إلا عن طريق نفس المنتجع ,, فتلاقي أنواع النصب ..

في ناس يقولون إنهم أخذوا فله خاصة بمسبح وأنبسطو مره ,, كذا ممكن يكون الوضع حلو ..

ثم أستقري في كوالا ولازم تروحي على السوق الصيني ,, جناااان شنط وابواك ,, وااااااااااو ,,

بس إذا اللي رايح معاك عصبي لازم تديله حبوب يهديبها أعصابه بعدين يروح ,, انا أبو البنات كم مره كان بتضارب مع البياعين هناك ,,

وانا الوقت كله أقرأ وأدعي ,, يارب سترك , يارب سهل , يارب أبعد عنا اولاد الحرام ,, لأنهم مره ينرفزوه وماهم مؤدبين ,,

والاسواق الثانيه / فيها الرخيص وفيها الغالي ,, وإنت وإمكانياتك ,,

يا قلبي إنبسطي ,, وترا والله ماليزيا تستحق الزياره , أتمنى إني قدرت أفيدك ..

وأي سؤال أنا حاضره ,, أسماء فنادق , أسماء مطاعم , أسماء أسواق ,,

وعلى فكره عندي جداول كنت منزلتها من منتدى المسافرون العرب إذا تبغيها ممكن أنزلها لك ,,

كانت هذي الجداول دليل رحلتنا ..

وضروري تمري على منتدى المسافرون العرب , راح تلاقي فيه كثييييير أشياء حتفيدك , وراح تلاقي كمان أماكن ثانيه في ماليزيا ,,

بس إحنا ماقدرنا نروحها بسبب بناتي ,, عشان كثرة التنقلات ..

المنتدى هذا من روعته يسفرك من بلد لبلد وإنت قدام الكمبيوتر ,,


آآآآآآآآآآآآآآآآآآآآه دخلتيني جو ,,

ورجعتيلي ذكريات حلووووووه ..

آآآسفه طولت عليك بس ما حسيت بنفسي ,,

ويمكن لو موتراجعت في اللحظة الأخيره ,, كان كملتلك ال22 يوم ..

سلاااامي ,,

مشكورين يا بنات على معلوماتكم الرائعة
وننتظر البقية