بصراحة ابغى خدمة ابحث عن كريم اساس مناسب لبشرتي
بشرتي مش مرة صافية يعنى عندي حبوب خفيفة لانة بشرتي دهنية علما ابغى كريم اساس يكون واقي ومعالج للبشرة ويغطيي اثاره الحبوب يعنى ثلاثة في واحد عشان عندي دوام وكمان جامعة يعنى اساس يومي مايضر بشرتي واشكرك من كل قلبي
وياريت تنصحي على بلاشر مناسب ايضا
وشكرا

اولا انا اشكرك على ردك الاول ويعلم الله اني كتبت لك رد بس ماادري وين راح ..
انا ياطويله العمر اشتريت اليوم بودره اضاءه من فور ايفر كيف استخدمها ومتى ؟؟واشتريت كحل سايل وماسكارا ماركه كلينك حلوه والا لا يعني الكحل كيف ثابت والالا والماسكارا تكثف الرموش والالا لان يقول هذي مرره حلوه انتي ايش رايك ؟؟

مرحبا اختي
*اتمنى تذكري لي طريقة وضع الاساس وخافي العيوب والبودرة والاضاءة ... والخ... بالترتيب يعني ابدء باي واحد وانتهي باي واحد
*و يارايت تذكري لي طريقة وضع المكياج المائي على العين وطريقة دمج الالوان مع بعض بحيث يطلع شكلها طبيعي ومرتب وثابت يعني هل انتظر ينشف اللون وبعدين ادمج مع لون ثاني ولاعادي احط على طول قبل لاينشف
*ومادري لازم استخدم على المكياج المائي للعين بعد مانتهي من وضعه الشدو البودرة علشان يثبت اللون
*وبغيت اسالك لازم نستخدم مثبت المكياج (البخاخ) في النهاية حتى لو كان المكياج مائي
* واخير انا بشرتي دهنية ومع ذلك احيانا تتقشر يوم احط كريم اساس وبودرة وش تنصحيني استخدم كريم الحماية والاساس والبودرة الحرة
وجزاك الله خير

هلا اختي مشكوره على مسااعدتك لناا بس انا بشررتي جااافه اذا حطيت الاسااس تطلع شهبه مدري وش اسووي مع اني قبل المكيااج بس احط اولاي بس ما احط غيرره وبعد ه الاسااس بس ابي ايش احط قبل المكيااج والاسااس الي ينفع لي وبودره ملمحه للبشرره بس ما تخليني شهبه مع اني بيضااء وبشررتي نااعمه الحمدالله وصااافيه ابي حل يا ليت تعلميني خطوه خطوه الله يجزاك خيرر

مرحبا الغاليه
اذا ممكن تساعديني في اختيار كريم اساس حلو للحفلات والمناسبات
خليني اقولج على بشرتيه والمشاكل وكل شي خخخخ
اول شي بشرتيه حساسه ومختلطه وعندي حول الفم المنطقه غامجه اممممم وعلى بشرتيه بقايا حبوب يعني تبقييييييع ف اريد طريقه تعلميني اياها كيف اخفي هالشي كله وتكون البشره حلوه وصافيه من دون تكتيل وهالسوالف اممممم بعد اذا بتنصحيني بكريم مرطب ملا شي يعني اريد الخطوات حتى البودره بشو تنصحيني والكونسيلر .
بقولج شو الاساس إلي استخدمه والاغراض إلي عندي وانتي قوليلي اذا هن اوكي ويناسبني ولا لا
عندي اساس لانكوم كولور اي دي وعندي امممممم اساس برونز من شانيل ماعرف هو مش سائل ياي في علبه دائرية وهو يامد بس يوم تاخذين منه خفيف وايد وعندي له بودره والبودره عندي ايتي لودر المضغوطه اعتقد إلي للبشره المختلطه عشان تسوي كنترول لدهون امممم والكونسيلر عندي ميك اب فور ايفر الباليته وعندي افسن لو ران القلم وعندي كرولاين وعندي البيس إلي لونه على الاصفر او قريب على الذهبي من ميك اب فور ايفر وعندي البودره السايبه. يالله شوفي شو الاوكي وشو إلي ما بيناسبني خخخخ

قريت وايد ردود لج تمدين اساس بن ناي ف ماريد انا اشي شي منهن لاني احسبه صعب استخدامهن ف ممكن تساعديني؟
هي وبعد لو اريد اسوي اللوك برونزي وانا اوريدي بشرتيه تميل للبرونزي ف كيف اسويها ب لوك حلو عرفتي يعني عطيني افكار طريقه حلوه

والسموحه منج ثقلت عليج وايد ^-^