خبيزه

احذروا من خبيزه
السلام عليكم انتشرت رسايل في الواتس وفي النت ومواقع التواصل الاجتماعي عن معالجه شعبيه اسمها خبيزه في منطقة تباله ببيشه انها تعالج التوحد والضمور وضعف السمع وجميع الاعاقات وكلن يدور العافيه وسوو لها دعايه وسمعه فطبعن رحت بولدي وبقولكم الي صار والله على ما اقول شهيد رحت لتباله وهي قريه صغيره في بيشه تفتقد للخدمات وهاذي ملاحظاتي 1.تستقبل المرضى في بيت شعبي مع انها تملك فيلا 3ادوار وملحق وتتركهم في الحوش الخارجي في الشمس والاتربه ويدخلون المرضى بالدور عندها ولكم تتخيلون حال المعاقين والحريم كبار السن
2.الي يشتغلون معها تعاملهم سيئ جدا مع الامهات والمعاقين وصياح ونفاخ
3.بعد ما جاء دور ولدي دخلت عندها الساعه2 بعد انتظار من الساعه 6الفجر انصدمت مصلحه لها غرفه كلها سيراميك ومكيف وكنب ودلع
4.سالتني اش عند ولدك ما امداني اكمل كلامي الا ومسكوا ولدي ورفعت له من فمه ونزل دم وسحبت بشعره وتنزل راسه تقول عشان ما يبلع الدم
5.تسوي الترفيع للاطفال قدام بعض بدون خوف من الله وبكل وحشيه لانها تدخل كل 5اطفال مع بعض
6.نجي على قيمة الجلسات الجلسه الخاصه تستقبل في صاله في ملحق بيتها ب500 والملحق مفروش فرش عادي حتى كراسي للجلوس مافيه ومكيف ما يبرد والجلسات الي في البيت الشعبي ب100 والعسل علبه صغيره ب300و مساج للظهر لكبيرات السن ب400 وهكذا
7.وفي الاخير يعلم الله ما شفت في ولدي اي تحسن يذكر وفي امهات كثيرين اعرفهم قالوا لي نفس الكلام وهم يراجعون من قبلي عندها بشهور وندمت اشد الندم ولدي صار يخاف وجاه فطريات شديده في الفم لانها تستخدم الفيكس في الترفيع والزنجبيل عشان يحرق فم الطفل ويفتحه بدون ما يعض يدها

اخيرا يعلم الله ما ظلمتها واني ما نشرت هذا
البرود كاست الا رحمه بالمعاقين وعشان ما يكونون اطفالنا ضحيه لها ولامثالها الي ما يخافون الله