ختان الاطفال بليز دلوني على افضل دكتور بالرياض / قديم

و عليكم السلام
اذا في الأربعين يطيب بسرعة ان شاء الله يومين ثلاثة بس و ينام عاااادي بس كل ما كبر بالعمر يكون أصعب

وعليكم السلام ورحمة الله وبركاته .

ايش ناويه تختنيه بطريقة الحلقه ام الشاش ؟؟ انا عن نفسي وبتجارب كثير من اقاربي ان الشاش افضل من الحلقه ,, فائدة الحلقه انها تحمي الجرح من الاحتكاك بالحفاظ وتمسك الجرح عن النزيف بسرعه والاهتمام بها اقل من الشاش .

الحلقه خلال 5 _ 10 ايام تطيح لحالها , الشاش خلال 3 ايام لازم تشيليها .

لكن جماعتنا اللي جربوها وعندهم كذا ولد يقولون مستحيل نعيدها مع اي ولد ثاني . اذا تبين الحلقه فما اقدر افيدك السموحه ماجربتها .

واذا اخترتي الشاش فانصحك تروحي لمستوصف دار الحكمة , الدكتور الجراح عندهم مصري اعتقد له 15 سنه بجراحة تطهير الاولاد .

انا رحت له بولدي قبل 6 شهور, اول شي يرفضون الاطفال اللي اقل من 21 يوم ,, اذا ولدك اكبر تروحي لهم وتطلبين من الاستقبال نوع المراجعة اللي انتي جايه لها وتدفعي لهم الحساب ,, ياخذوك لغرفه صغيرة ويسوو له تحليل دم سريع وتنتظري النتيجه بعد 10 دقايق .

اذا كل شي تمام خلاص يطلعوك فوق وتسجلي اسم ولدك عند مكتب صغير وتنتظري دوركم في استراحه ويكون معك حفايض نظيفه وخذي مقاس اكبر من مقاسه حتى تكون اريح له وخذي عدد 5 حبات او اكثر حتى اذا وصخ عليك تغيري له بسرعه ,, وتكوني مجهزة الولد قبل مايستدعوه بحفاظته النظيفه والممرضه معها غيار تعطيه اياه.

لبسيه فنيلة وسروال اريح لك وله او ملابس وسيعه .. بعد ماياخذوه تنتظري 10 _ 15 دقيقة ويرجعوه لك وهو مخلص ان شاء الله .

بالنسبه للإهتمام بالجرح بيعطو ولي الامر اذا معكم زوجك او اخوك ورقة تعليمات فيها كل شي عن المرهم والمعقم وكيفية الاهتمام بالجرح والوقت المتوقع للشفاء وكيفية تجنب المضاعفات .. مامعكم احد تروحي تاخذيها من نفس المكتب اللي سجلتي فيها اسم ولدك .

بيعطوك وصفه اصرفيها من صيدليتهم وتستخدميها زي ماهو مكتوب عندك, اذا عطوك المعقم المايكروكروم اللي لونه بني سويه مثل تعليماتهم خففيه بكاس ماء دافي لكن صبي كاس الماء المعقم على الجرح مو رش فقط ,, لاتسوي غلطتي وكنت ارش فقط وماتعقم زين والحمدلله سلمنا من الشر.

اذا رحتو البيت عطيه سوائل او حليب حتى يبول بأسرع وقت ولو بال والحفاظ مفتوح بسرعه خلي البول يرجع عليه ,, اول مره يبول بعد الختان بيكون صراااخ وبيتعب لكن هذا افضل علاج لجرحه .

بالنسبه لأهم شي هو فك الشاش ,, انتي تفكيها بنفسك ويفضل جدا انك ماتروحي لهم يفكوها لانهم بيمزعوها منه بقوة .

بعد مرور يومين على الجرح غرقي الشاش زيت زيتون وانتظري فترة حتى يلين ثم اسحبيه شوي شوي ,, راح يطلع شوي دم مو مشكله اصبرو وخفو يديكم عليه وقصي الزائد من الشاش بالمقص حتى ينشال معكم وتشوفو الوضع .. او جلسو الولد بجيك ماء دافي وفكوه لكن الزيت افضل .

اذا انفك بالسلامه حطي المرهم اللي وصفوه لكم ممتاز يرمم اللحم بسرعه لكن اتبعي تعليماتهم اذا مكتوب يوضع بعد يومين حطيه بعد يومين .. ما اتذكر الوصفه لاني ضيعتها الله يهديني .

بشكل عام الولد بيتعب عليك وترتفع حرارته شوي , عطيه مسكن مثل ادول يريحه ,, وخليه بدون حفاظ اطول مده ممكنه حتى يتهوى الجرح ويلتئم بسرعه .. ممكن تطلع فطريات على الجرح لونها ابيض مثل الطبقه .. طلعت علي بولدي ومدري ايش التصرف الانسب لكن كنت اغسل الجرح بالماء على خفيف واحط طبقة فازلين حتى يقتلها لان الفطريات كائن حي يحتاج للهواء والفازلين يكتمها .

اذا معك امك او اختك عندها اولاد من قبل فأحسن يتابعو معك ويساعدوك .. والحمدلله فتره عصيبه بتمري فيها لكن ان شاء الله اسبوع وبيتحسن الوضع .. هذي جراحه وتعب على الولد والام لازم تصبرون وان شاء الله تتسهل الامور .

اذا ماتبين هالمستوصف فمستوصف حي السلام برضو الجراح اللي فيه يمدحوه كثير وكنت متردده بينه وبين دار الحكمة واستخرت وتوكلت على الله ورحت للحكمة .

http://forum.hawaaworld.com/showthread.php?t=2370402


موفقه .

انا ختان ولدي كان عند جراح في مستوصف السلام مره
يده خفيفه والشاش فكيته اليوم الثاني مره سهل تركيبه للشاش
ينفك معك بسهوله بس حطي له زيت زيتون من قبل

فيه دكتور تجميل بالحبيب العليا ما شاء الله عليه شغله يجنن
مدري اسمه محمد الخاطر او حاجة كذا


يعودي ومحترم ومهذب جداً

روحي دكتور متخصص جراحة اطفال
انا يوم ولدي رحت دكتور اسمه ياسين العليط وكان في تخدير

ربي يفرج همك