ختان الحلقه ام الشاش .. امهات الاولاد تفضلوا

رف

وعليكم السلام ورحمة الله وبركاته .
انا معي ولد واحد ماجربت معه الا الشاش ، ونفس الشي لخالاتي وقريباتي الكبار بالسن شوي رافضين فكرة الحلقه وما استخدمو الا الشاش باولادهم .

امي جربت الحلقه من زمان باخوي ولدته بمستشفى رعاية الرياض ، عمره 14 سنه والى الان وهي متعقده من ختان الاولاد بالحلقه بسبب الويل اللي شافته بغى يروح فيها لولا لطف ربي به .


واحد من جماعتنا جرب الطريقتين في ولده الاول جرب الشاش عليه ، ثم الولد الثاني بالحلقه ،، قال توووبه ماعاد نقرب من الحلقه سيئة جدا وماراح نعيدها ، وفعلا جاله ولد وراح ختنه بالشاش.
وواحد ثاني يقول الحلقه اريح بكثير في التعامل لكن شكل النتيجه ماعجبتهم كثير .. بالمقابل فيه ناس كثييير تمدحها وانها اريح للطفل .
انا ختنت ولدي بمستوصف دار الحكمه في الرياض ب 200 ريال ، ترى المستوصف قديم وحالتهم حاله لكن ماهمني الا الجراح طبيب متخصص بالختان من 15 سنه والى الان يعمل عندهم .
ابحثي بالنت عن الفرق بين ختان الشاش والحلقه لو محتاره بينهم لان كل واحد بيقول تجربته وبعضهم تعجبه نتيجة الحلقه اكثر من الشاش والعكس .

اهم شي المرهم المضاد ، والشاش ابد لاتهمليه ترى يمتلئ دم واحيانا صديد بسيط ويتعفن بسرعه ، لازم تطيح خلال يومين ثلاثه وتصبي عليه زيت زيتون حتى يساعده يطيح ، اما الحلقه الى اسبوع .
بصراحه تعذبت شوي مع ولدي بالشاش وتعب معه بالتغيير والشاش لو ماطاح بنفسه تروحين به للمستوصف يشيلونها عنه .. اما الحلقه توقف الدم بسرعه وانظف للعضو لكن لو حطو مقاس الحلقه غلط هذي مشكله خطيرة مثل لبسك لخاتم ضيق وينحبس الدم ويتورم المكان .

لكن شخصيا ماراح اختن عيالي الا بالشاش ، تعب يومين ثم خلاص الحمدلله.

الله يعينك ويسهل عليك .

انا جربت الشاش ماحربت الحلقه واربع ايام وطاب الحمدلله انتي استخيري والله ييسر لكم

انا عيالي واحد شاش واحد حلقه الصراحه الشاش افضل بكثير وبعدين حطي عليه زيت زيتون وسبحان الله البول يشافيه بسرعه مستشفى الجافل في الرياض يمدحون ختاته بصراحه ماجربته لان ولدي الي حطوله حلقه في العروبه والي شاش في مستشفى الملك خالد الجامعي قاني يوم ختنوه وجابوه لي

الشااااااش وكنت كل يوم اصب عليه زيت زيتون لحد مافك