.. مقهورة وبس ... :

اشكر جميع اللي ردو ... واحب اوضح بعض الأمور... اقسم بالله اني ما كذبت ولا بكلمة واللي صار فعلآصار..حتى حنا كلنا من ابوي وامي الى اصغر وحدة فينا نتمنى يكون حلم. بالنسبة لنومتها عند الشغالات محد قالها نامي عندهم بالعكس كانت امي زعلانه على نومتها عندهم..بس هي اختارت تنام عندهم علشان تأخذ راحتها ومحد يلاحظ اللي تسويه.. بالنسبة لموقف اخوي اللي قال انها بنت ..يبغى يستر عليها وما يبي ينتقصها..بس حنا البنات ودنا نعرف الحقيقة ما نبغى ايه ولالأ. اللي تقول ما اعطيتوها حب وما اهتميتو فيها ..ارد عليها واقول امي وابوي واخواتي اللي معها بالبيت معطينها فوق ما تستحق من اهتمام .لدرجة ان امي تركت الأهتمام بالبيت لها تحط وتسوي اللي تبي من طبخ ومقاظي وتأمر بالشغالات ومحد يقدر يسوي شئ بالبيت الا ياخذ شورها. بالنسبة للدورات والتحفيظ والدراسة بالجامعة على حساب ابوي هي رافضة بقوة..مالها خلق لدراسة.. ابوي مخصص لها راتب كل شهر ما قد حصل لا للي قبلها ولا اللي بعدها.. ماتخلي مناسبة ما تقضي لها احسن الفساتين من اغلى الماركات.. مانقصناها عن خواتها بشئ بالعكس حنا مراعين ظروفها ومعطينها كل شئ والله ان تعاملنا معها كله حب ومودة بس اللي سوتة خلانا ننصدم فيها ...وعلى قد ما حبيناها وأغليناها على قد محنا زعلاانين منها.. واللي تقول غريبة سكوت ابوك واخوانك..ابوي ما عمره مد يده على واحد فينا من كنا صغار..وبالنسبة لأخواني ايام ما كانت غايبة كانو يهددون ويتوعدون بس بعد ما رجعت من دون ما حد درى عنها ..خا فوا لايسون فيها شئ ننفضح فيه..وهم راعو ابوي وامي قبلها..#ما شافوهم يسرقون شا فوهم يتحاسبون# بيت اهلي ما فيه الا أمي وابوي وخواتي ..واخواني كلآ ببيته واخواني يخافون من الله مطاوعة ملتزمين..ما ازكيهم على الله.. ## بالنسبه لأم الولد أمي ما ارتاحت لها سبحان الله وهم ما جو يخطبونها الا خايفن على ولدهم حتى ابوه يكلم اخوي يترجاه..بس امي مرة ما ارتاحت لهم وقالت هي ارخصت نفسها وانا ما ارخصها.وحتى ابوي قال ما عندي استعداد اشوف اللي سواء مع بنتي كذا ..وحنا خفنا على ابوي..وسبحان الله كان قلب امي دليلها طلعت ام الولد هي اللي جارتها وساحبتها اختي اعترفت لأخوي بكذا حسبي الله ونعم الوكيل...يوم قلت مهب من مواخيذنا اقصد مستحيل انزوجهم حتى لو كانت اختي مجنونة ومربطه بحبال..بس هم طمعوا بالنسب ...وتوقعو انا بنوافق على طول..بس اهلي تنازلو بالشرطة عن حقهم وقالو بنتنا رجعت وخلاص..خاصة انا عائلة معروفة وقرايبنا مالين الديرة.. اشكركم جميعآ انا لي بالمنتدى 5سنوات اول مرة ادري اني بين جواهر ودرر...حتى خواتي يشكرونكم وان شاء الله ربي يلهمنا الصواب .

اشكر جميع اللي ردو ... واحب اوضح بعض الأمور... اقسم بالله اني ما كذبت ولا بكلمة واللي صار...