خجلانه

السلام عليكم ورحمة الله وبركاته ،،،

أختي الطيبات الخجل مطلوب في المرأة وهو من أجمل صفاتها ، والله سبحانه وتعالى ميز المرأة عن الرجل بالخجل .
يمكن في بعض الأوقات يكون مشكلة إذا زاد الخجل عن الحد المطلوب ويسمونه الخوف أو فوبيا الاختلاط مع الناس ( الفوبيا هي الخوف الشديد ) .
أنا مثلج يا أختي خجولة جدا جدا ، ولكني في بعض الأحيان قبل لا أسير أي مكان أعرف نفسية الناس إللي بروح لهم ، وأحضر من قبل مواضيع علشان أفتحها معاهم .
مثلا : أتابع الأخبار ، الأحداث إللي إتصير معاي أو في المجتمع أو أفكر في مشكلة من مشاكل المجتمع وأفكر في مواضيع كثيرة ، فإذا شفت الناس إتكلموا عن أي موضوع من هالمواضيع أتكلم معاهم بس بحدود المعقول ، وما أقول لهم عن أي سر من أسراري الخاصة .
وفي حال إذا قالت لج أي حرمة إنتي خجلانة ، قولي لها بالعكس أنا مب خجلانة بس يالسة أسمع مواضيعكم الحلوة إللي شدتني وقولي رايج في الموضوع أو قولي أي ملاحظة ، وبالطريقة هذي راح تكسرين حدة الخجل والخوف عندج .
بس إحذري إنج إتثيرين أو تفتحين أي موضوع علشان تتكلمين عنه ، فكري قبل لا إتقولين أي كلمة .
مع تحياتي .

صح أنا كنت خجولة وبعد الزواج ودعت الخجل !!! لأن تعلمت من زوجي الاندماج مع الناس والحديث معهم وايش اللي ينقال وايش اللي ينسكت عنه .

بصراحه الخجل مو عيب بالعكس انا اشوفه من صفات المراه الخلوقه


ولكن لايزيد الخجل عن المطلوب فينقلب الى اسوأ



لو انا خجلانه وقالت لي اقولها عادي هذا من ادب الجلوس





:26:

صدق حركه مو حلوه ان تقول انتي مستحيه وهذي دايم يصرلي انا بطبعي وجهي يقلب الوان من كل شي والي يزيدها لما يقولون وجهى حمر ويصارخون يصير وجهي بينفقع خلاص حالللله صح

طيب تشوف البنت مستحيه لا تزيدونها عليها يؤ خلوها تهدي شوي من نفسها ما يعرفون مدى الضغط النفسي وقتها

الحياء زينة المراءة افضل من الحريم الللى لسانهم طويل:27: :26: