خجلانه بس مالي الا الله ثم انتوا يابنات (ماذا حصل لي بعد الاجهاض)

بنات انا حصل لي اجهاض من شهرين تقريبا يعني قبل رمضان المهم اني من سقطت وانا احس كأن في شئ تحت محل فتحة الرحم ماادري فهمتوا علي والا لا احس بشئ مضايقني كنه شئ نازل عذروني بنات على الشرح والوصف بس مالي الا الله ثم انتوا ماعندي احد اشكي له او احد يفهمني ايش السالفه
سالت الدكتوره وكشفت علي تقول مافي شئ بس وحده من قريباتي قالت لي هاذا نزول رحم روحي تمرخي ورحت تمرخت عند وحده المهم من تمرخت وانا احس هالشئ زايد علي وصار عندي الم بالظهر فضييييييييييع والدوره هالمره زادت ايامها صارت 9 ايام ماادري هي عورتني زياده والا حركت شئ بالغلط والله ماادري شسالفه وهالشغله مأثره حتى على علاقتي مع زوجي :(

اللحين لو اوقف شوي اطبخ والا اشتغل اموت من ظهري ولازم انسدح واحس ان ظهري بينقص من محله من الالم

تكفون ساعدوني وطمنوني وهل في وحده حصل لها مثل حالتي وجاها الم في الظهر شديد حتى بعد مرور شهرين من الاسقاط وهل هالشئ النازل عادي وايش هو بالضبط وكيف اعالجه؟؟؟
هل هالشئ يؤثر على الحمل مستقبلا ؟؟
هل في دواء ممكن اخذه يساعدني ويوخر الم الظهر؟؟


اسفه على الاطاله واعذروني ويارب اللي ترد علي يجعل لها ربي من كل هم فرجا ومن كل ضيق مخرجا ومن كل بلاء عافيه ومن كل عسر يسرا