خجلي دمر حياتي وكرهني نفسي

السلام عليكم
اخباركم ياحلى صبايا باحلى منتدى
انا ماسدحت مشكلتي هنا الا اني عارفه اني بلقى احد يساعدي إن شاء الله
بنات والله اني بحاله نفسيه صعبه مررررررررررررررررره
انا اعاني من الخجل على قولتهم الرهاب الاجتماعي
استحي من الناس وبس متعوده على اهلي فقط 
حتى لمن اروح الكليه ماعندي صديقات دايما لحالي واذا تعرفت على بنت وسولفت معي احس اني ماعجبتها ولاني جريئه يعني هاديه ولاعاد ترجع عندي ابد ولا كأني عرفتها
وبالمحاظره ساكته ولا اشارك ابد واستحي اكلم الاستاذه واقول لها لو سمحتي بطلع الحمام (اكرمكم الله )او بطلع مثلا اخذ غرض
حتى عند تقديم برزتيشن إخووور واجيب أعياد 
وحتى لمن اروح عزايم واعراس ومناسبات احس دايما لحالي
وعند جمعات خوالي مافيه أحد بعمري واذا إذا رحت أجلس سااااااكته ودي إتكلم بس خايفه :(
واحس اني خلاص ماقدرت اتحمل كل شوي اشوف الساعه متى يسرع الوقت عشان ارجع لبيتنا 
وربي صرت اكره اروح عزايم ومناسبات خلاص حلفت على نفسي الا لمن يتغير اسلوبي
ولمن ارجع البيت دميعاتي تبط بط لين ارتاااااااااااااااااااح ليه ماني مثل البنات توني صغيره بعمر الزهور ابي اضحك واسولف والعب وافلها العمر قدامي ليه من الحين اكبر نفسي

وانا ماعندي اخوات انا أكبر إخواني وخواتي 

والمشكله لمن اسافر عند اهل ابوي كلهم بنات معي بنات عماتي وعمامي و انا وحده غيررررررر اتجرئ ولاعاد استحي ابد
والله اني حلوه ومملوحه بس الخجل مخلي مني بنت يائسة وضعيفه 
الله يصبرني بس
الله يسعدكم ويوفقكم ويحقق لكم امانيكم ساعدوني طلعوني من المشكله الي انا فيها ولكم دعوه بظهر الغيب
ولا تقولون ادفعي الخجل وراك تكلمي ماعليك حاولت وحاولت لاكن مافيه فايده
ودي اروح مستشفىا نفسي بس صعبه وش اقول لاهلي عن جد صعبه
وفيه علاج يصرف للي مثل حالتي ولا لا ؟؟
وبعد يومين عندي زواج والكل أصر إني أحضره العالم نست ملامح وجهي 
من الحين أفكر ، كيف بدخل القاعه وكيف بمشي أو أجلس ؟؟؟؟ وان سألني أحد كيف بجاوبه :::(
أنا بكل الأحوال أحس الكل يطالع فيني وأحس بعض الناس ترحمني لأني خوافه وماعشت حياتي بجراه مثل غيري 
سااااااااااااااااااااعدوني والله اعتبركم مثل اخواتي ومافيه اخت ماتساعد اختها .