خدامتنا الاثيوبية وصورة اخوي

السلام عليكم خواتي

خدامتنا الاثيبوية كملت مدتها (السنتين ) عندنا وهي على وشك انها تسافر بعد ايام

هي راحت من امس بيت قربيتها وودت معاها اغراضها حاطتهم في كرتون وكم كيس .. وللاسف كنا ناويين نفتش الاغراض هذه قبل ما تطلع بس ما حصلنا فرصة

المهم راحت امي تدور في شنطتها الموجوده عندنا لقت ساعة ذهب وصورة اخوووي :(
اخوي هذا متزوج ومو ساكن معنا في نفس البيت ..لكن صار موقف له مع الخدامة وضربها كف بسبب عنادها .. كانت امي تقول لها روحي غسلي الملابس من الى اليوم الى قبله وهي تقول مابى اغسل الحين والى تبونه سووه لين امي بنفسها راحت حطت الغسيل في الغسالة وبدت تغسل ..
راح لها اخوي يقول لها غسلي وهي تقول في وجهه لااا .. اخوي هني عصب وقام ضربها

وهذه اول مره حد يرفع ايده عليها ..قامت هددت وتوعدت وقالت راح يشوف شو بيصير فيه لما ارجع بلادي

وبالفعل لقينا صورته الشخصية في شنطتها ..والله العالم وش ناوية عليه ..

هي واااايد حقوودة وقبلها اسود مع انه السالفة صار لها فتررة طويله
ااحنا خايفين على الباقين هي تكره اختي لان اختي تهاوشها وقاسية معاها اغلب الاوقات ..وابوي نفس الشى والله العالم كل البيت بعد..واحتمال كبير تكون صورهم موجوده معاها الحين  

مو مهم الى سرقته من اغراض او ذهب لكن الى يهمنا انها ما تضر اهل البيت بسحر او شعوذة وتعرفون عاد سحر الافريقيات كيف !! الله ينجينا من شرهم

هي طلبت منا ان نعطيها صورنا اكثر من مره عشان الذكرى قال ..بس احنا نطنش ..

اذا كانت سرقت صورنا ما اظن راح نقدر نسوي شى الحين لانها اغلب اغراضها ودتهم بيت قربيتها الحين
بس ابى منكم تدعون لنا ( ادري انكم ما راح تقصرون) انه الله يرد كيدها في نحرها والله يحفظنا من شرها وسحرها وبلاويها ... ويحفظ الجميع من بلاوي هالعلل الى ندخلهم بيوتنا
:(