خدامتي الفلبينيه تعاني من ارتفاع الضغط ايش رايكم امشيها ؟

السلام عليكم .. كيف حالكم خواتي ؟ خدامتي فلبينيه و جديده صار لها عندي ٣ اسابيع .. هي جت على برد الرياض فمرضت و كحكحه و كدا .. اخدتها تعمل فحص العماله الحمد لله طلعت سليمه .. قلت بالمره دامني في المستشفى ندخلها عند دكتوره تشوف كحتها .. تعرفون الفحوصات الروتينيه عند الدكتور من ضغط و حراره ... طلع ضغطها مرتفع جدا ١٧٠ على ١٢٠ ... و سالتها الدكتوره اذا انتي مريضة ضغط من اول .. قالت اي و قاعده آخد له حبوب .. قالت لها وقفتي الحبوب .. قالت لها اي من يومين لانو صابتني كحه و خفت دوا الكحه يتعارض مع دوا الضغط ...
انا لما فتشتها .. لقيت عندها ادويه كتير سالتها انتي تعاني من مرض معين قالت لي لا ... قلتلها ليش كل هادي الادويه .. قالت بندول و ادوية كحه و زكام في حالة اذا مرضت ... طبعا غلطه مني كان من المفروض اخد اسم الدوا و ابحث عنه بس مدري ما جا في بالي وقتها ... المهم الدكتوره بهدلتها و قالت لها ما توقفي دوا الضغط من مخك .. رجعت له و اخدته لمدة تلات ايام و انا وراها كل يوم اسالها اخدتيه او لا ...


اليوم بعد التلات ايام وديتها الدكتوره و لسه مرتفع ... زودت لها الجرعه و قالت جيبيها بعد يومين .. و قالت لي لازم اشيك عليها كل فتره و فتره
الشغاله مريحه و كويسه .. و انا مرتين حظي سيء في الشغالات و لله الحمد .. ما صدقت تجيني وحده كويسه و طلعت مريضه 😭😭
قالت لي الدكتوره اغلب الشغالات الفلبينيات يلي يجوها يعانوا من الضغط المرتفع و ما يحتاج ترجعيها عشان هادا السبب .. نعدله لها ان شاء الله
محتاره ارجعها للمكتب .. تعرفون معانا تلات شهور نبدل من غير ما ندفع . و لا اخليها و ايش ضامنلي الجديده .. و الله مدري .. بلشه ... و حدي مضايقه .. هي عمرها ٣٧ سنه مو كبيره .. و ما عندها اي اعراض لارتفاع الضغط و قالت لي هادا شي مو كويس .. يلي عنده اعراض احسن .. عشان ينعرف .. و قالت لي ارتفاع الضغط حطر و ممكن يطيح صاحبه ... و قالت لها نزلي وزنك احتمال يكون سبب