فيه ردود بردت قلبي الله يجزاكم خير الجزاء ويريح قلبكم
وفيه ردود خوفتني بس انا اكيدة انها لمصلحتي الله يجزاكم خير

تكبري بوجهات وقوليلها أنا هذا بيتي وانتي جاية تشتغلين عندي واذا قعدتي لين أولد بعطيك هديه ذهب بس اوفي بوعدك دايم

عزيزتي انتي تقولين حقتك طيبه ومامنها خطر
ممكن تكون طيبه بس وش ضمنك مامنها خطر بعد ماعرفتي انك كارهه الشغل وتبي تسافر
طالما هي رافضه و انتي مجلستها عندك غصب لا تامنين نفسك ولا اطفالك منها
الان بقلبها مشاعر سلبيه وقهر ممكن تكتمها وتنفجر بلحظه وتسوي شي فيكم
حتى الطيب ممكن لحظه القهر والغضب يتهور ويصير انسان ثاني

خليها تروح وارتاحي منها ولا تبيعونها على احد وينغش فيها وهي اصلا ماتبي الشغل

دامك محتاجه جلستها راضيها بهديه وطيبي خاطرها

واشرحي ليها انك بتسفرينها بعد النفاس لآآآآزم تفهمينها أنك خلاص بتسفرينها بعد نفاسك

عشان ما تشيل بقلبها وتحقد وتظن انها جالسه السنه كلها !!!

وكمان عشان تخف نفسها ويخف عليها الشغل إذا عرفت ان روحتها قريبه مو سنه ولا سنتين

تفاهمي معها ووضحي لها المده الي بتجلسها وعامليها كويس الين ربي ييسرها وتنفرج

وخلاص صدقيني بترتاحين وهي بتفكر بترتاح وتمشي معكم تمام لأنها شغلة شهر بس وراجعه عند اهلها

أختي نصيحه أخيره
لو أني كثرت عليك

لا تخلينها تقعد مع نفسها واجد ... مو قصدي تكرفينها ... لا
بس أقصد إذا رحت مول ولا رحت أحد هالمطاعم السريعة خذيها معك

أو حتى إذا عندك حوش أطلعي أنت ويعالك وقوليله تنزل معكم وأنت سوي نفسك مشغوله في كتاب ولا شي

وبأذن الله نفسيتها تزين وتهجد على الأقل لين تخلصين أختبارات