خدامتي جابت لي العلة..الي يشوفها يقول اني حارمتها..وش اسوي؟

السلام عليكم..

عندي مشكلة مع الخدامة الفلبينية الي عندي..:(

المشكلة انها كسوووولة مرررة..وانا تغاضيت عن الشي هاذا..قلت يالله ،،دام انها تساعدني بأشياء بكيف الكسل..

لكن الكسل عندها وصل لحد الأكل..

الطبخ هي ماتقربه ولاتجية..

بس بحكم تعبي ،،صرت مع اقدر اطبخ كل يوم غداء،،صار زوجي يجيب الغداء من برا
ونتغدا كلنا ،،يعني انا وزوجي وهي،،

وإذا جا العشا وجاب من برا ،،يجيب لي وله،،يعني ماصارت حتى الوجبات بنجيبها له!!
في مرات الواحد يجيب لها عن نفسها ،،بس مو كل يوم:42:

اقولها يااااابنت الحلال إذا جعتي ولابغيتي تاكلين شي،،سوي لنفسك اكل ،، لاتسنيني..
المطبخ عندك وسوي الي تبينه..
بس عجااااااااااازة ،،تروح تنام من دون أكل،،وانا يضيق صدري..
اقولها ورا ماتسوين لنفسك ،،تقولي شبعانه..:angry2:

لكن لو اني جايبة الأكل من برا ،،طاحت عليه..:eek:

والله يمكن مافيه احد يسوي سواتي معها ،،كل هاذا خوف من ربي وخوف على بنتي..اقول خلني كريمة معها ،،عشان تحن على بنتي..
ماتتخيلون..
اخذ لها كل فترة ،،كراتين شوكولاتات..
مثل

كيت كات
وتويكس ،،وهاذا الي عليه اسد..ههه،،نسيت اسمه
واخذ لها دائما كيك لوزين وكيك اليمامة
غير الشيبس اشكال والوان،،
والله اني اضف لها ضفة من السوبر ماركت..

حتى الكورن فليكس اخذه لها ،،
عصير ربيع اخذ لها كرتون..
والبيبسي دائما حق العائلة بالثلاجة لها..
عندها التونة ،،والأندومي،،والعسل والجبن الكاسات ،،
والنسكافيه عقب ماصارت تشطب على قهوة زوجي..صرنا ناخذ لها نوع قهوة ثاني..

يعني والله لو انها وحدة من البيت ماسويت معها كذا..

وغير كذا اقولها سوي لك رز..مو مشكلة ،،الي تبينه ،،بس لاتقعدين تسوين نفسك ضعيفة ،،

ولا عندها..

انا ماعددت هالأشياء عشان امن عليها..

بس اني مغبونة منها..

معد صرت لا انا وزوجي نرتاح بأكلنا ،،لأن عينه فيه بزززززززززززززززززززززززززد..

علموني بالله وش التصرف الي لازم اسويه معها..