خدامتي نيباليه مشتغله بالسعوديه؟

انا بعيده عن السعوديه بس انتي محتاره تجيبيها ولا لا انا عن راي لاافضل النيبال وماادري استخيري ان شاء الله افدتك ماحبيت امر بدون ماارد والله يوفقك

هلا حبيبتي انا من ديرة الفهد السعودية(احم احم)
الشغالة عندنا ماعندها شي اسمه نوم الظهرية (تجلس من الصبح قبل الدوام وتبدأ تنظيف وتلميع
وبعدين بقول لك شي.............العوايل تختلف............ممكن تكون مشتغلة عند ناس عندهم اسرة كبيرة فأكيد الجدول غير
وممكن عند وحده رفلة ماتتابع الشغالات فراح تشوفينها ما تنظف زين
وممكن عند وحده موريتها النجوم بالظهر فراحتشوفينها مضبوط
في ناس عندنا يخلون الشغالة تطبخ وناس لا
في ناس الشغالة تكلم الرجال عادي وناس اذا كلمته ياويلها ياسواد ليلها
كل منطقه لها طريقتها.........لاكن بقول لك على شي ثاني ومهم :احمدي ربك انها مشتغلة في السعودية لانهم يركزون على حشمتها في الملابس وما في ضحك وكركرة مع اغلرجاجيل ولا تطلع الشارع لوحده ولا تكلم السواق ودائما متحجبة وكم طويل ولا في بنطلونات ولاشي فمن هذي الناحية تطمني

زي ما قالت مشاعل يختلف من ناس لناس وانت من البدايه عوديها على اللي براسك بتمشي عليه

زي ما قالت مشاعل يختلف من ناس لناس وانت من البدايه عوديها على اللي براسك بتمشي عليه مافي شي زياده من ناحيه الحشمه وقلة الكلام

وانتي عاد ترتبين لها جدول ايام الغسيل والكوي والتنظيف من الصباح يبدا ومافي نوم الظهريه
تنام 12 وتصحى قبلك
لاتعودينها على تنام براحتها
هم فبلدانهم ماينامون الا كذا
وبالتوفيق يالغاليه

اختي ملح الحياة

ماابغى اخوفك بس انا جبت نيباليه بس ماسبق واشتغلت ماكملت عندي ولا شهرلانها ببساطه ماتبغى الاطفال مع اني كاتبه في العقد ان عندي 3 اطفال واحده منهم عمرها 6 اشهر بس ابشرك انها صراحه تشتغل ماتقول لا ابدا والله يعطيك من خيرها ويكفيك شرها.