خدامتي هدمت كل اللي بنيته

الله يعينك ويشفيك
الخادمات شر لابد منه

ربي يكون بعونك
والله انهن بلوه
بس شيسوي الواحد (شر لا بد منه)
بس انتي بأمكانك تاخذين عنها المسجله ووقت ما تبي تسمع الاشرطه اللي من عند
اولادها تعطيها ومن ثم ترجعه لك على طول
يعني لا تخلينه معها اكثر من ساعه
وفي هالوقت خلي وليدك قرة عينك معك
وربي يشفيك ويهنيك

الله يعينك يا اخت سونه
حاولي تودين الطفل عند امك ولا عمتك ام زوجك افضل واذا مو ممكن جيبي مربيه مسلمه من الفلبين او سيريلانكا اعتقد افضل اما الاندنوسيات ابدا كلهم سيآت الطفل هذا امانه عندك انتبهي عليه زيييين وزي ماتعود ينام على الاغاني يتعود ينام على القران والله يكون في عونك

اهلين حبيبتي سونه^حياتي
ما اقول الا الله يعينك على هل بلوه سراحه الشغالات شر لابد منه محد يقدر يستغني عنهم
صدقيني راح تتعبين بالبدايه مع ولدك بس معليه اصري انك تغيرين الي خربته وابدأي من الحين قبل ماتروح علشان مايتغير على الولد كل شي مره وحده استبدلي اشرطة الاغاني بالناشيد الاسلاميه فيه اناشيد كثيره حلوه ويحبونها الاطفال واشغليه ببرامج الاطفال المفيده التعليميه انا سراحه جربت هالشي مع بنتي ماكانت تاكل ولا تشرب وصرت اجيبلها برامج تعليميه للاطفال وصارت تنبسط عليها وتقعد تاكل وهي تتفرج ومو بس كذا تعلمت منها اشياء كثير حلوه..
ما اقول الا الله يعينك.

بصراحة انت السبب شكلك مخليتها على كيفها بالبيت لازم الخدامة تعرف انها للشغل وبس اما تربية الولد لا والف لا اذا مضطرة خليها تلبسه وتأكله قدامك والنوم ما فيه زي حضن الام يعني هي تقوم بالاعمال الي فيها تعب بس الاشياء الي تقدرين تسوينها وانتي جالسة لا تخلي الشغالة تسرق ولدك منك ولا تستبعدين على الي زيها الحركات الي ميب زينة وكثير اكتشفوا هالشي خاصة اذا كان ولد
والله يخليه لك