مساء الخير .. خواتي العزيزات ...
مشكلتي باختصار وكما هو الحال في اغلب البيوت السعودية .. العاملة والجوال .. استقدمت عامله من جنسيه سيرلانكية بخمس وعشرين الف لاني موظفه .. وطلبت تكون من قريه واول مره تجي عشان اعلمها .. وجتني وجهها برئ وشكلها حبوبه وفقيره مرره .. وعلمتها على الشغل وكل شي تمام ..شريت ملابس وكل شي وجابت معها جوال ابو كشاف متكسر وحالته حاله وقالت ابي شريحه وطلغ خربان وجبت لها جوال ابو كشاف جديد وشريحة .وبعد ٥ شهور واختلاط مع عاملات اهلي وشافت جوالاتهم طلبت جوال ذكي وجلست تحن .. ابي اشوف عيالي .. وزوجي وصرت اخليها تكلم من جوالي فديو بالساعه والساعتين .. بس ماكفاها .. واستمرت تحن .. وزوجي حذرني مااجيب لها جوال لكن ماطعته ،. وقلت هاذي حليوه ومسكينه وشكلها عاقله .. ورحت وشريت لها وياليتني ماشريت ،.. طبعا انهبلت لما جبته لها ماصدقت .. بغت تستخف .. والله وكيلكم .. اسبوووووع بس .. وتنقلب ٣٦٠ قامت تنفس علينا .. ولاترد .. ولاتشتغل زين .. وتخيلوا اناديها ماترد علي .. المهم صار الجوال شغلها الشاااااغل ..مكالمات ايمو ليييل ونهاااار ماينزل من اذنها هددتها اني بسحبه مافيه فايده .. وهددتها ماراح اشحن لها مافيه فايده .. وكل يوم يزيد استلعانها وقوايتها وترادد وتنافخ .. وهي جايه قطوه مغمضه مانعرف ولا شي .. ماتخيلت ان الجوال والمكالمات تغير الشغالات كذااا .. مرره مررره انصدمت معقوله .. تتغير كذا وكانت وش حليلها .. المهم اخرها امس اناديها وانا جنبها تقول .. ماني جايه جالسه اسوي لي فطور .. واناديها مره ثانيه الصباح تنظف الحمام وانتم بكرامه .. تقول اصبري اخلص مكالمة اختي بعدين انظف . . قفلت معي وهاوشتها .. .. واخذت الجوال .. وقلت جوال ماعاد فيه جوال .. تبين تكلمين ياجوالي ياجوالك الصغير .. ومن البارح وهي منهااااره وصياح ومناااااااحه .. وتعرفون انهيار السيرلانكيات .. ماخلتنا نرتاح .. طبعا الجوال فيه ايمو ومليان تعارفات وأصدقاء وعشاق .. بس بكيفها .. ماهمتني لكن ليش قلة الادب وطوالة اللسان .. والمرادد .. وانا ماقصرت معها بشي .. قطيعه تقطعهم .. لذا يابنات نصيحه نصييييييييحه .. العامله البي تجيك بدون جوال .. او جوال صغير لاتشترون لهم جوال وتغلطون غلطتي .. انتبهوا فعلا الجوال والنت هو دمااار الشغاله .. واللي يقول انها جايه للعمل وتعيش عيالها مو للمكالمات والسوالف وقلة الحياء .. صدق .. وماقال الا الحق ..
يلزم عليك تسجيل الدخول أولًا لكتابة تعليق.
شرايكم اذا رجعت تزن عالجوال اواجهها .. واقولها انتي تبينه عشان تكلمين حبيبك .. مش عشان زوجك واولادك ..واخوفها اني اعلم راح اعلم زوجها.. لان زوجها قال لنا اول ماجت .. لاتجيبون لها جوال فيه نت لانها راح تخوني وتكلم حبيبها .. الضعيف كسر خاطري ..
هي تطفش مثلها مثلنا ولازم شي يسليها خليها كمان يومين عشان تعرف انك جاده وانك زعلانه منها بعدين نادييها وقولي الجوال ماتمسكينه الا اذا خلصتي شغل كل البيت مثلا اعطيك اياها الساعه ٨ وقت راحتك ويجلس معاك للصباح ورجعينه لي الساعه ١٠ الصباح
اهم شي خليها تنام وتشبع نوم يعني تصحى ١٠ وتجلس لحد ٨ الليل وخلاص تدخل غرفتها من ٨ وتاخذ راحتها لحد ١٠ الصباح تجلس ع الجوال او تنام براحتها
اهم شي خليها تنام وتشبع نوم يعني تصحى ١٠ وتجلس لحد ٨ الليل وخلاص تدخل غرفتها من ٨ وتاخذ راحتها لحد ١٠ الصباح تجلس ع الجوال او تنام براحتها
الصفحة الأخيرة
اهلين فيك صادقه كل كلامك صحيح بس غريبه يعني بعضهم حتى لو معها الجوال تعرف ان وراها شغل يعني الجوال في وقت فراغها بس شغالتك تستهبل صراحه هدديها اذا مالتزمت راح تسفريها حسستني انها صاحبة البيت علشان تقولك اخلص مكالمة اول بعدين اشتغل والله الشغالات ماينفع معاهم الا الرسميه لاتطيحي معاهم واجد خصوصا لو كنتي كذا لحالك مستقله في بيت اهم شي لاتخلينها تختلط باي شغالات اهلك لان هذا اكبر دمار
تقبلي مروري..