خدامتي واهلها...شوروا علي

السلام عليكم ورحمة الله وبركاته
يا اخواتي بأختصار
خدامتي لها عندي 4 شهور هي طبعا جديد لم يسبق لها العمل
المهم فيه مشكلة بسيطة
خدامتي قبل موعد الراتب تجي وتطلبني تبي الراتب طبعا افهمها انه اصبري ماجاء وقت راتب تقول طيب وتمشي ترجع بعد كم ساعه تسأل عن الراتب وتلح تلح تلح لدرجة التطفيش اقوم اسلم لها الراتب عشان تسكت
وتبدا موال جديد تبي ترسل الراتب طبعا زوجي مشغول اقولها بأذن الله راح ارسل راتبك بس انتي اصبري شوي تقول طيب ترجع بعد كم ساعة تبي تحول الراتب والح تلح تلح نقوم نرسل الراتب يبدا موال جديد برضوا تستفسر عن البنك ورقم الحوالة وانا معطيتها كل المعلومات وتسأل مليون مره
اقسم بالله بدون مبالغة انها تزعجني باليوم عشرات المرات وجوالها ماااااايسكت احس اهلها يوصونها تسوي كذا ولو خلص شحن جوالها او يتقفل ازعجوني انا بجوالي وجوال زوجي مكالماتهم توصل باليوم 90 مره 60 مرة ازعاااااااج
والله انها تقومني الساعة 3 بالليل او 5 الفجر عشان الراتب

يابنات وش الحل
مع العلم مابي اخسرها لان هي حبوبة ومابي اخسرها انا بحاجتها
ومقدرة انها محتاجة ولكن وصلت هي ومكالمات اهلها للازعاج
انا زعلت قبل شوي وسحبت منها جوالها
صح كذا ؟