خدعة بصرية تريحك من الصلعة الأمامية هلموا

طبعا من البداية سيعدني أن أقول لكم الموضوع منقول وارجو الدعاء لصاحبة الموضوع


حبيت انقل لكم تجربتي السريعه والفوريه
لاخفاء الفراغات والفروق الواسعه في الشعر
طبعا الطريقه سهله وغير مضره نهائيا بالشعر
بالعكس مع مرور الوقت تزرع الشعر وتطوله
وصدقوني اكثر من روعه ومحدن ينتبه لها
الطريقه انا اخترعتها نتيجة شي شفته بعيني
انا مره رحت الكوافيره علشان حفله وشفت وحده مسكينه شعرها خفيف جدا
وما حبت تحط باروكه اى خصل زياده
عاد بعد الاستشوار شفت الكوافيره جابت بخاخ لونه اسود وبخت على مقدمة الرأس
وصارت زي الخدعه البصريه وصار الشعر شكله كثيف كثير
ومافيه اى فراغات او مفرق واسع
عاد سألتها قلت ما يضر الشعر ؟؟
قالت على ما تخلص الحفله طبعا لا بس لازم تغسله قبل لا تنام وعلى فكره
اغلب الممثلين يستخدمون هالطريقه كخدعه بصريه امام الكامير..
عاد انا مره قريت موضوع هنا عن تطويل الرموش عن طريق وضع كحل نوى التمر
وصاحبة الموضوع قالت يوضع على الشعر ما يضر
عاد انا اخذت نوى التمر وحرقته على النار وطحنته بالمطحنه وسويته ناعم جدا زي الكحل
وصار لونه اسووووووود جدا ورائعه وكأنه كحل الاثمد واستخدمته لرموشي
ومرت اخوي جات عندي استشور شعرها علشان بنروح الحفله
وكان شعرها من الامام خفيف جدااااااااا
بعد ما استشورت لها جبت بيدي من البورده وحطيت على مفرق شعرها ومقدمة شعرها
ووزعته بطريقه نظيفه ومرتبه وقلت لها شوفي شعرك
يمه تخرعت من الوناسه قالت يجنن روعه كيف صار كذا قلت لها السر وتخبلت واخذت مني البودره
الي تعبت وانا اطحنها هههههههههههههههههههه
وثاني يوم دقت علي واشكرتني كثير وقالت ما انسى معروفك وربي الكل مدح بشعري وقالولي صاير كثيف ويجنن ((محدن لاحظ البورده ))
وانا من 4 ايام صرت احط البورده على مفرق راسي والحمد لله ما ضرني ابدد
بالعكس بستمر فيه واحتمال يطول شعري
لان معروف يطول الرموش ويكثفهاااااااااااااااااااا
وترى ما احلل اى وحده تنقل الموضوع وتقول من نفسها لان هاذي اختراعي وتجربتي الشخصيه
عاد اتمنى كل وحده تقرأ تجربتي وتستفيد منها تدعيلي الله يثبت قدماي على طريق الايمان
ويهديني ويطمن قلبي ................
تحياتي


واللي تجرب تكتب تجربتها هنا