خدعني ودمر حياتي ويبي يخدع غيري بنفس الطريقة

‏السلام عليكم انا متزوجة من ٨ سنوات زوجي رفض اكل حبوب منع حمل انجبت ٣ اطفال ولدين وبنت زوجي

من اول ليلة عرفت انه مايصلي ابدا ووراني صور في جواله بالغلط وضح كان راعي سفريات وعلاقات محرمة

المهم انا كنت مفجوعة وماعرف كيف افكر او اتصرف ومن استشير وكيف اتصرف بحكمة فقلت ادعيله بالهداية وانصحه للصلاة

والعلاقات كما قال مجرد مساج وطيش شباب المهم اني حسيت بخيبة وحسرة على ايام التجهيز والاستعداد النفسي وحسن الظن فيه

المهم حملت بالطفل الاول واثناء حملي سافر للزنا وشفت صورته مخلع بنطاله ومحتضن اسيوية وزعلت طلعت اسبوعين لاهلي ويروح لاهله يتغدا يوميا وقال لاهله اني تعبانه من الحمل ورايحة لاهلي وكلموني وقالوا ليش تاخذين ولد الناس وماتطبخين ماحمل الا انتي

ورجعت لقيت اثر نساء في بيتي كان هو يوديني غصب بيت اهلي ٣ ايام يقول توسعين صدرك رغم اني عروس ولم اقصر ابدا بالتجمل والطبخ والتعامل الحسن

واثناء حملي ايضا اكتشفت انه يستعمل شيء وسالت وصار حشيش وبدا يبين سوء اخلاقه فبدل من عدم السؤال باهلي وعدم الاهتمام باقاربي وهذا شيء مستغرب لاننا نحسب ونوجب الناس تطور الوضع الى سب اهلي ولعن واسلوب سيء معي

ولدت وسحب ٣٠ الف من رصيدي غدرا ورفايع طفلي وطلب مني ابيع ذهبي لتسديد فاتورة كهرب وكانوا اهله يتعاملون بشكل سيء معي ويوافقونه على بيع ذهبي وهم لايرضون هذا لأنفسهم

حملت بالطفل الثاني والثالث غدرا منه ورفض حبوب منع الحمل تطور الوضع للضرب والإهانة اكثر يمسك نفسه وقت الحمل وبعدها يضرب

ومواقفه سيئة معي من كل الجوانب يعني لايراعي حقوق زوجية ولاقدر تعبي مع عياله تركت وظيفتي بعد الزواج واعطي واطبخ واغسل واربي لوحدي بدون اي تعاون منه بل خايسة فاغرة

حتى طلباتي الخاصة البسيطة اشتريها او واروح اهلي بدون خمسة ريال وارجع منهم معي فاكهة واغراض ورغم هذا يلعن ويسبهم وهذا تعامله مع الكل مايحشم احد

دوامه سنوات كان يبصم ويرجع وينوم ويطلع استراحات ولايطلعنا لشيء ويجي بعد السهرة يتكلم ويعلق على البيت انا اسماء الحيوانات لو ضاع ولدي في مكان لايرمي اللوم عليه وهو كان جالس على الجوال او جايبنا مكان مظلم وانا اللي الاحقهم يابقرة قدام الناس واقذر الالفاظ يجيب لعيالي بيبسي اندومي قدامي يعطيهم جوالات يلعبون في الظلام تضر عيونهم وووو لو تكلمت يقول خير يام الز....ان وش عندك

 ومواقف سيئة يقول لك يومين ماطبختي هو مايبي اقول طيب انت ماتبي لكن غسلت كنست يقول مكنسة اهلك هذي بكسرها ويكسرها قدامي عشان قلت ماقصرت اكنس واشتغل

يطلع علينا ببغاءات يقرصوننا ويقطعون الاسلاك يتعامل مع البيت انه زباله كل شيء يرميه قشر مناديل قراطيس مشترياته .. اطبخ واكشن واتفنن مندي بخاري كبسات صياني يجي ساعتين لوك تسوين صاروخ ولو اتناقش
يكب الاكل

يخلي التلفزيون تحت مايرفعه في الجدار وإذا رجموه عيالي وخرب يجي يضربني على راسي اني مانتبهت


وظلمني عند اخوانه يقول ما تحط الغدا الا ٥ العصر لانه يكون نايم وانا كنت اسوي ظهر واي وقت يناسبه لكن ما يخاف من عقوبة الظلم والكذب وعلمتهم عن علاقاته يقولهم شوفوا لبسها الحين جلابية طيب انا في وضع زعل ومشكلة كبيرة كيف اتزين واتجمل


لو اكتب كل القصص تتعبون مايكفيها مسلسل وانا هنا قلت كفى وعلمت اهله بكل شيء الصلاة والعلاقات والادمان والضرب وكفوا شرهم عني لان عيوبه عظيمة ماتترقع


المهم انا بعد طفلي الثالث ركبت لولب (للاسف غير مضمون) وانا اخبرته اني ماراح اكمل معه وجالسة عشان عيالي وبيجي يوم انفصل من هذا الشخص اخواني مايسلمون من لسانه اخوي المتزوج يسميه خروف لانه ماسمى بناته على امي واخوي الثاني بقرة والثالث يقول عنه اكيد رايح ينام مع .......مع العلم ان اخواني سافروا دول أوروبية للدراسة وجابوا شهادة ماجستير ودكتوراه والله من تزوجته مارتحت معه ولابعده بسبب موضوع الصلاة والزنا

لايوجد توافق روحي واشعر انه شخص رخيص وقذر وجالسه معه ومستمرة عشان العيال


الاهل ماتحملوني انا وياهم وهو ماراح يخليني بحالي ممكن ينتقم وياخذهم  ويذب ولاعاته سكاكين المطبخ  منشار مسامير على الأرض ومافي مثل الام في الاهتمام والرعاية والحرص

المهم هو مصر انه يجيب عيال ويبي اولاد زياده يحملون اسمه واسم ابوه والمبرر المضحك ابي اولاد عشان يدعون لي
ويدور اجنبيات الحين ويغشهم يقول(بصلي واجيكم) يعني ماسألوه هو يجتهد ويسوق لنفسه ويبي ضحية جديدة يلعب عليها

خلاني أكرهه اكثر واحتقرهه كثييير ماكنت اتوقع ان فيه بشر هنا بهالشكل

يبي يجيب منها عيال تفكيره بيطلعون حلوين وشفرات على أمهم والله مع أن عيالي حلوين جدا وماكأنهم عياله

وحده قالت لي زواجه وتعدد مسؤولياته وتأثيره المادي ظلم منك لعيالك جيبي له واحد ولااثنين حتى لايتزوج وتسوء الحالة المادية اكثر لانه مصر يتزوج للإنجاب الاولاد اكثر رغم ان الوضع ايام عيالي الحفايظ والحليب احيانا كثير أجيب حقها من اهلي

والضرب سنوات ضرب ركل ويضرب راسي في الجدار لاتفه الاسباب فالاخير كلمت امي وفتحت المايك قدامه وقلت يضرب ويسبكم ويلعننكم وووو فلو ماكلموه عشاني من زمان الحين لحفظ ماء الوجه بعد المكاشفة..

هذا الشخص سنوات وهو يكرهني فيه اكثر واكثر الى ان وصلت لهذي المرحلة ... اني لاأحبه ولاأتشرف بانجاب اطفال اكثر فضلا عن حكم البقاء معه والنوم بجانبه وهو لايصلي ولازال مطلقا وفضلا عن مستقبل الادمان وسوء التعامل وصور الزنا واغراض النساء


عشان كذا عجزت اتقبل رأي :(اللي قالت لي هذا ابو عيالك وإذا تزوج بيسحب عليهم وبتندمين ادعي له بالهداية وجيبي له ٢ ولا ٣ جبتي له ٣من اول وش بيفرق )