خدمة من خبيرات اسواق شمال الرياض لاهنتوا..

ساعدوني




بنات وبالمختصر ابي تيشيرت او بدي الكل له تسمياته بس ابي اسود وعلى الجسم فتحة الياقة حقته كبيرة نوعا ما واهم شئ الكم ابيه لحد المرفق البعض يسمونه حاير.. عن جد ابيه قبل العيد..
والمشكلة انا ماني راعية اسواق واذا رحت اوقف عند المحل الي ابيه واطلع ركض كني مطرودة..
وسياسة البيت برضو ماهي من مؤيدي الدوران في الاسواق<=== ذي حبيبه وتسمع الكلام..
فايليت الي تعرف محل عنده مطلوبي تقولي ومالها الا الدعاء بها لعشر لاني من جد بحلت بعمري واذا سئلت الي حوليني يا يجيبون لي نص كم والا كم طويل..

بس على فكرة ابي مقاس L او بالارقام ابي 46

الله ينحفني وينحف من يبي ينحف بالعافية..
انتظر ردودكم تراني معتمدة على الله ثم عليكم..

17
2K

يلزم عليك تسجيل الدخول أولًا لكتابة تعليق.

تسجيل دخول

اخصائيةنفسية
اخصائيةنفسية
تلقينة بدبنهامز بجهة محل دورثي بيركنز
وله كم فرع دورثي بيركنز فية بصحاري بالتوسعة وفية قدام العقارية الثالثةواهم شيء فية مقاسات الى 44 و46
ومري زارا وبيكوكس لورحتي صحاري اذا مالقيتيها عندهم
ولاتنسيني عاااد من دعووووووووووواتك
غادة الغيد
غادة الغيد
ياحبي لك يااخصائية روحي ياشيخة الله يوفقك دنيا واخرة ويستر عليك ويسخر لك من اقوى منك ويرحمك ووالديك عن النار ويجعلك ممن يدخل الجنة من غير حساب .. الـــلـــــهــــــم آمــــــــــيــــــــن
غادة الغيد
غادة الغيد
up
ام رنو
ام رنو
غدغوووووده !!!!
صراحة انا مالي في هالمقاسات الكبيرة كان ساعدتك>>>>بسم الله عليتس يالرشيقه

شفت اسمك قلت ادخل اسلم عليها لكن اللون الي مستخدمته حول عيوني
الله يهديتس وان شاء الله مايجي العيد الا ومقاسي ومقاسك 38 من غير شر
غادة الغيد
غادة الغيد
خخخخخخخخخخخخخخخخخخخخخخخخخخ اما 38 تين في الجنة

والله انا ابيها وسيعة والا ابشرتس اللحين انا 44<==لا انتي وخشتس و تبشرينها بعد عدال ياغصن البان

ماعلمتس رحت لدختورة تغذية وقالت لي صكي ثمتس ينحفتس الله .... تسحلت بعمري.. قمت اتصدد وانا اختس عن المراية.. من اقعد اقيس هالخلاقين تحوم تسبدي لا ومن زين الطبايع اعذرب في الخلاقين ..والبلا من الحشووووووو..تهئ تهئ..

مير حياتس الله وان ماشلتس الموضوع تشيلتس عيونا<==حشى مهيب عيون صالة

ماتدرين يابت الحلال اخاف انزنق في العيد وماعندي هدوم كفاية عندي ثلاث طقوم بس اخاف يتليقف احد ويعزم يوم رابع همين ابحل بعمري قلت مابدهاشي

بس تبين الجد يوم شفت محد رد غير اخصائية الله مير يجبر بخاطرها..
ابروح للمحلات الي قالت لي عليها ان مالقيت ابروح لاي محل حوامل واباخذ بدي حمل وابقص كمه واخليه حاير<===مهيب فكيرة منتازة وانا اختس..
<===وينهم عني جائزة نوفل...

بس ترراي زعلتن عليتس وراتس ما تسئلين ولا تسيرين ماغير وزوزة وتصدد انتسانتس خايفتن اجي افطر عندتس في رمضان فارجهني منيب جايتس..


ابجي اصوم الست عندتس بس خخخخخخخخخخخخخخخخخخخخخ

الله يوفقك دنيا واخرة ويخلي لك من تحبين ويحرمنا ووالديني ووالدينك عن النار

على فوكرة جازت لي فكرة الجبنيه مع الشاهي بالعب عليهم بكرى <===زولة