خدمه بسيطه من بنات الكويت

هلا أختي الكريمه
:
بالنسبه لي أنا إذا رحت للكويت أشتري الفساتين الجاهزه من مجمعات إللي في الفروانيه أو الفحيحيل مجمع العنود وإذا حبيتي تشترينه جاهز أو تفصيل طبعاً ع حسب ذوقك وتختلف الأسعار ع حسب الموديل وعندهم مصممين وكاتلوجات تختارين إللي تبين وشغلات روعه وكل ع حسب الشغل إللي فيه راح يكلف وتبدأ الأسعار من 350 وفوق
:
وبنات الكويت ماراح يقصرون وإسأليهم في ملفهم الخاص وماراح يقصرون
:
دمتي بخير

مشكوره اختي على الرد بس بغيت تحددين لي مكان اروح له على طول ويكون اكيد باحصل فيه شي لاني الفتره بتكون قصيره بس ليله

حياالله هل قطر
أذا تبين عندج الأميره في مجمع المهلب عندهم سواريهات حلوه وغير مككره وأسعارهم تبدأ من 150دينار ويم المحل في تقريباً3 محلات لملابس السهره
وانا قلت لج عن الأميره عشان ماتفترين بالسوقه000وإذا تبين أسعار رخيصه عندج الفروانيه مجمع الحمرا مول والعربيد بلازا
وأتمنى أكون أفدتج
دعواتكم لي

اناااااااااااااا بعد باروح الكويت ياليت بنات الكويت
يتكلمون اكثر عن المحلات الي عندهم..
:)

حياج الله
روحي مجمع ليلى جاليري بالسالمية
فوق في تقريبا 3 محلات سهرة
بس على مستوى
عند مجمع المهلب بحولي
في محلات يمكن 3 أو 4 فساتين سهرة
عندج الصالحيه
عاد هذا حدث ولا حرج
تطير عيونج من المحلات والموديلات
بس عاد جهزي قروشك
تبين أسعار معقوله
ممكن تروحين كويت ماجيك
في شغلات حلوه وأسعار مناسبه
وبحاول أتذكر أكثر وأرجع لج
وحياج الله مليون مره