انا قبل كاتبه موضوع كتبت فيه اني حلقت قرعه وكانت حالتي النفسيه تعبانه كثير من شعري
والله شاهد اني لو مارجعت لرشدي كان انا منتحره الحين
راح اعيدلكم القصه باختصار
انا انسان شعرها اقرب مالها ولد خشن جدا جدا جدا جدا (اقرب ماله افريقي) ويلتف على فوق مب تحت وجاني احراج شديد من شعري انتهى فيني المطاف اخذت مكينه اخوي وحلقت شعري
طبعا قبل سنه تقريبا كنت مستمره على الحنى وكانت ممتازه كثير بس في مشكله
ان البنت الي اخذ منها في جده وتطول على بال ماتجيبها والحنى يبيلها استمرار وهي وقفت بيع الحنى وبدا يتعقد شعري ويختلط الشعر المفرود مع العادي تفضلو الصور
.
الي عاليمين وهو مفرود ومستشور وعاليسار لاحظو كيف تشربك الشعر مع الجذر التعبان حتى شعري لما يتمشط يعلق ويتقطع
.xxxxxxxxxxx
الاشراف
مخالف وضع الصور الشخصية
وبدا الشعر يتشربك اكثر واكثر لين ما خلاص حتى ايدي ماتدخل :icon33:
رحت المشغل قلت للكوفيره تقصه قصيره ولما قصه طلع شكله بشع يابنات اجعد كثييييير
حتى الكوفيره استغربت اختلط كل شي ورجعت البيت وانا منهاره
وحلقت شعري بالبيت وكتبت معاناتي هنا
وجتني بنت من الرياض تقول كلميني عالوتساب ورايحه اساعدك
وبصراحه ارتحت لها كثير وقالت لي بعطيك علبه زيت ببلاش بس احتاج دعواتج انبسططت كثير وقلت لا هذا حق علي واضطريت اضغط على نفسي وددفعت لها قيمه الزيت واخوي ماكان راضي بسالفه شراء من النت دون ايصالات او شي بس وثقت فيها وثوق اعماء لدرجه يا بنات اني انتظرت بعد ما حاسبتها اسبوعين عشان تقولي انا شحنتهم تركتها على راحتها
وصار لها ثلاث ايام تقولي ارسلتهم ولما رحت زاجل ما ارسلت شي !!!!!
تاكدت من رقمي ورقمها والاسماء يقولون مافي شي!!! :icon33: :icon33: :icon33:
جلست اكلمها بالوتساب وللأسف ماترد علي عالرغم انها تدخل وتطلع
.
وللاسف شعري بدا ينمو ومجعد كثييييييير مادري شقول لها بس الله يسامحها الله يسامحها فعلا ماكان لها داعي ضغطتني ماليا و خدعتني ولطعتني اسبوعين
المهم حاليا شوفو شعري
بليز بنات لحد يتريق واحمدو ربكم عالنعمه وربي الي تقول شعرها خشن مب مثل شعري
.
بنات انا ابي اي وحده من الدمام او الخبر لان بعد هالموقف اخوي وابوي هاوشوني وقالو سرقوكي يالهبله :icon33: :icon33:
زيت او حنى فرد اي شي انا موافقه
الكيرايتين ما يناسب ميزانيتي بصراحه :icon33:
صحيح اني كنت ابي شي غير الحنى بس شكلي مافي غيره
الله يخليكم محتاجه احس بانوثتي
ابي عطاره من الدمام او الخبر استلم من مندوب او يد بيد
ياليت ياليت شي غير الحنى
مب شرط شعري يسيح ويميع
انا راضيه لو يكون ناعم بشكل المعقول
لو كاريه بس مب بشكل هذا الافريقي
.
بنات محتاجه لكم ارجوكم انا بالكليه ما اشيل حجابي عني :icon33:
اهم شي يكون قريب عشان يرضون اخواني