خذوا بيدي الله يرضى عنكم...محتارة مع زوجي

السلام عليكم...كيف حالكم.....بختصار ببدا معاناتي...وهي اني تزوجت من 3شهور...والحمدلله مبسوطة ومرتاحة مع زوجي...لكن لابد من منغصات..اكتشفت بعد شهر انه كان يتعالج نفسيا من الاكتئاب وترك العلاج قبل سنة من ان يتقدم لي...كنت الاحظ عليه جد مرة حساس ويخاف علي كثير..وثقته في نفسه مب ذاك الزود...المهم قلت اساعده واخذ بيده لانه صراحة يحبني جدا..ومهما يصير مايزعل علي...لانه عقب ماتزوجنا احتاج يرجع ياخذ العلاج..لان صار له الزواج صدمة شوي مسؤوليات وزوجة وحالة...ورحنا فعلا اخذنا العلاج...وكان صعب في البداية...لكنه بعد شهر الحمدلله استقرت حالته...وطبعا هذه الحالة النفسية ماجات لزوجي الا بعد فترة معاناة...كان عنده وساوس واوهام انه  احد هو مسواى له شي سحر او مثل كذا...او احد حاسده...وفعلا ذهبنا للراقي...وهو شخص معروف وذو خبرة...قال لازم تراجع طبيبب. نفسي لانك انته معندك شي..فقط توسوس وتتوهم...وهو زوجي قد راح له قبل الزواج قرأ عليه ح س بشي كاتم على صدره....وهالمرة قاله مفيك شي حس بعدم اقتناع....المهم تعبت نفسيته...ونفسيتي ايضا...واخر شي لجأ لقسم الطوارئ بالصحة النفسية...وعطوه علاجات...وهو ماشي عليها الان...لكنه للأسف جا يوم وقعد يستمع للرقية الشرعية....ورجعت عليه حالة الوساوس والاوهام...والخوف انه في جسمه احد يؤذيه...وطبعا ولايدري عن شي...وصايرة تعبانة معه جدا...ومحتارة جدا...طبعا هو من قام ياخذ العلاج النفسي ميحس برغبة جنسية ولاشي...وهذا بعد مأزمه زود..والان احاول معه اسمعه الرقية وزادت الحالة معه...احسه يتعذب مرة اذا شغلتها...ودوم ندق على رقاة موثوقين يقولون مفيه مجال او مشغولين...وانا جد خايفة عليه وخايفة على نفسي اكثر..اروح بيت هلي بس مقولهم شي.ولا ابي احد يدري عن اللي صار...واهله دروا انه ياخذ حبوب نفسية قالوا لازم يقطع العلاج(تفكيرهم قديم عن اللي ياخذ حبوب نفسية بيصير مجنون ويهيم بالشوارع)المهم سويت تورية وقلت لهم خلاص ترك ولدكم  العلاج...عشان اسكتهم...المهم...الان لو بروح لراقي صعب اروح لحالي معه...لانه عقب الرقية ميقدر يتحكم ينفسه...والراقي مشوار على مانوصل له...ولا ادري شنهو به بالضبط هل هو عين سحر حسد مس...الله اعلم...مخفيكم...انا حاولت قبل لانروح للراقي ارقيه...واقرأ البقرة كل ثلاث ايام...وحطيت بالبرادة ماي مرقي وخليته يتروش بماي مرقي ورشيت الشقة...لان دوم وقت منشغل الرقية...نسمع اصوات طقات في الابواب والثلاجة...وأبرادة يتحرك الماي اللي فيها بدون سبب.....جد والله اني في حيرة من امري...ولا ابي انفصل عنه...ابي اساعده...لكن صبرك يارب...لان انا كنت  اعاني من مرض روحي...مدري الى الان وش هو...والحمدلله قبل زواجي كان...داومت على الرقية وقراءة البقرة والاغتسال..والحمدلله خف الامر علي كثير....لان قد تملكت قبل زوجي باربع سنين على امام مسجد وطالب علم...لاكن انفصلت عنه لاسباب اجهلها الى  الان...والحمدلله على كل حال...الان حالي مع زوجي لا احسد عليه...واهل زوجي مو متعاونين كثير صراحة...ولايدرون عنه..انه عايشة معهم بنفس البيت لكن  شقة مستقلة...ومليت من كثر ما اتفاءل انه بيصير زين...ولا ابي افكر اني انا السبب...لان دوم اسأله..هل انته مرتاح معي وتبيني اظل معك...يحلف لي انه ماعمره شاف السعادة والراحة الا معي..لكن قالي تحمليني لاني احبكم ولاتتخلين عني....الله المستعان....شوركم ونصايحكم ودعواتكم حبيابي..