خذو كم نصيحه لشعر شبه ناعم هههههههه

اهلين حبوبات قلبي ياحلو عالمي وعالمكم والله شيء واحلى مافيه ان الوحده اذا استفادت من شيء حطته اهني عشان الكل يستفيد الله لايغيرها علينا من نعمه ونظل اخوات
انا جايبه لكم كم نصيحه للشعر صج اني ماني مختصه بس عندي كذا معلومه من واقع تجاربي وتجارب الللي حولي وراح اسدحها لكم هني عاقولتكم
1\الحناء مايناسب كل الشعور بعضها يسببلها جفاف عشان كذا احرصي عاوضع الزيت مع الحناء
2\ابتعدي عن بانتين بديل الزيت والله الذي لااله الاهو اني صاجه في الللي اقوله ،انا كنت استخدمه لشعري ولبناتي وكنت مبنهره منه كان يعطي الشعر نعومه ويهبط لكن بعد فتره طويله من استخدامه حصل مالم يكن في الحسبان (وش رأيكم باللغه)والله ياانه يدمر الشعر دمار ويقسم الشعره لنصفين ويعطي الشعر لون باهت وتقصف الله لايوريكم
3\حاولي قدر الامكان انج تقصين اطراف شعرج كل فتره وفتره عشان يتجدد ويكثر ولاتكونين بخيله هههه،، بعض البنات تقول لا حسافه ماودي بقصه بخليه طويل وهي ماتدري ان القص يعطي الشعر حياه سبحان الله وحيويه ويطول بعد
4\اغلبنا نشكي من نفشت الشعر بعد التحمم فعشان كذا حطي مع شامبوج اللي تستخدمينه ربع علبه زيت اللوز مالت الشعر او اكثر شوي وكل ماتحممتي رجيه واستخدميه سبحان الله يهبط الشوشه وينعم مع الاستمرار واحرصي انج تغطين شعرج بعد ماتنشفينه من الماي عشان يهبط
5\حاولي انج تبتعدين عن الاستشوار قدر الامكان يعني موكل ماتححمتي تستشورين لانه والله دمار للشعر يعني استخدميه على فترات متباعده
هذا اللي عندي الحين واذا ذكرت شيء سدحته لكم ودمتم سالمين
واللي عندها نصيحه تضيف خلنا نستفيد من بعض