سلام عليكم...
كيفكم حبيباتي مع الاجازة والمناسبات ..
اكيد كلكم تحضرون للزواجات والسهرات ومحتارين واللي ميزانيتها على قدها وماتقدر تشتري اي شي..
شوفوا انا قصتي قصه..
قبل الاختبارات قلت لابويه يجهز لي فلوس فستان لاني ناويه اروح لزواجات صديقاتي هالصيف قال لي تم..
المهم انا اعتمدت على كلامه وبعد ما خلصت الاختبارات قلت له يلا ياعسل يدك على الفليسات ابي انزل للسوق وهذا الكلام صار امس..
قال لي والله يابنتي ما جهزتها اصبري علي لين يوم السبت وتصير عندك عاد انا مت قهر شبكة صديقتي يوم الجمعه اللي هو بكره..
قلت اتصل على امي تأمن لي مبلغ محترم وتجيبه لي دين ولما يوفر ابويه فليسات اعطيها فلوسها كلمتها ياطويلات العمر قالت لي للاسف ناشفه مره قلت يلا خيره ربي مو كاتب لي اروح للشبكه..
المهم جلست احاول ادبرها براسي<<<ماتيأس خخخخخخخخخخخخخخ
جاني ابويه قال لي يابنيتي معي 500 تنزلين السوق تشوفين اللي يعجبك وتحطين عينك عليه واذا عجبك اكسسوار ولا شي خذيه <<<كسرت خاطره ربي يسعده لي ويخليه يارب..
قلت يلا احسن من القعده بالبيت وطفش مع ان ال500 ماتكفي ولاي شي..
المهم ماعلينا رحت لسوق الضيافه اكيد بنات يعرفونه..
والف وادور بمحلات الفساتين والصراحه السوق كله قالب فساتين سهره حتى محلات الملابس الجاهزة..
المهم ياطويلات العمر دخلت محل لفتني فيه فستان لونه احمر نفس اللون اللي ببالي البسه وسالت عن سعره وماتجيني الا ذيك الصدمه يقول لي بألف وخمس ميه قلت بخاطري وللللللل هذا على كم فصه وعلى فستان عااااااااااااااادي وهادي..
قلت للرجال ماعندكم كتلوج للموديلات وطلع لي كتلوج بصراحه احترررررررت عجبني اكثر من موديل المهم الرجال شافني محتاره قال لي انتي لو تبين نصيحتي بوريك قطعتين شي ثاني راح تجي عليك حلوه قلت له اووكي بس مابي غوامق ابي لون فاتح قال لي انتي فاتحه ما راح يجي عليك الفاتح مره يعني خذي لون يبرز بياضك ويوضحه على فكره انا حنطيه فاتحه..
المهم وراني قطعتين وهبلتني مره جنان بصراحه سالته عن السعررررررررر
قال لي 500؟؟
قلت الف وخمس ميه؟
قال لاء 500
وانا فتحت عيوني هههههههههههههههههههههههههههههه
قلت طيب والثاني قال 800؟
وش رايكم بذي الاسعار لما قلت لامي بالجوال قالت اكيد الموديل وع ..
بنات اللون دارج لون بنفسجي وغير كذا قماش فرنسي مره طااااااااااايح وفوق كل هذا مستور وكمان انا ماعندي ارداف وحسيته برز لي اياهم .
ادري كثرت عليكم قرقره بس من فرحتي شوفوا حبيباتي روحوا للمحل منها توفرون على انفسكم مبالغ ومنها موديلات حلوه ورايقه هاديه لو تبوني انزل لكم صورة الفستان انزلها ..
على فكره المحل اسمه الجعيدي موجود بمكه في سوق الضيافه ويمكن فيه بالحجاز وكمان فيه بجده في الصيرفي مول بس في المناطق الثانيه ما ادري..
ان شالله اكون افدتكم وعلى فكره لا تقولين اذا لقيت رخيص وخذيته بلقى الف وحده لابسه مثله لان المقاسات كل مقاس منه قطعه وحده يعني مافي امل وحده ثانيه تلبس مثلك انا حبيت افيدكم اكيدكثير بنات مثلي يبون التوفير وكمان شي حلو
اتمنى ما اكون ضايقتكم بكثرة الحكي
يابنات ادعوا لي ربي يحقق لي اللي ببالي..