لا إله إلا الله محمد رسول الله
الله يجزاك خير يا صاحبة الموضوع وكل وحده شاركت فيه
طريقتي في بيتي السهر علي قد ما اقدر احاول ما اسهر لانه دمار لكل شي
لوعندي خضرة كثيرة لتسهيل الوقت في التحضير للطبخ ولحفظ النعمه لا تخرب في الثلاجة اقشرها وانظفها وفي اكياس او علب وعلي الفريزر مثلا الجزر اقشره وابشر شي للكبسات واقطع اللي لصواني الفرن وعلي الفريزر بس وقت الطبخ اطلعه
الحمام الله يكرمكم انظفه مره وحده الصباح والتنظيف العميق يكون قبل الاستحمام
المطبخ تنظيف يومي والصالة باقي الغرف مرة في الاسبوع والحمدلله علي واسع فضله

جزاك الله خير

انا تقريباً اسوي نفس بعض الافكار اللي قالوها البنات

بس الفكره اللي يمكن تكون جديده اني اخذ قدر صغير مره

واحط فيه ماء وشوي من عطر الفواحه واحطه

على النار واول مايغلي اقصر عليه واخليه تقريباً ١٠ دقايق

تنتشر الريحه في كل مكان في البيت

من الأفكار أخذتها من المنتدى والله ناسيه أسم صاحبة الموضوع فكرتها حلوه جزاها الله خير
بعد ما تغسلي طقم شرشف السرير وتكويه أو بعد ماتغسلية وهو مبلول طبقيه وأنشريه على المنشر في البلكون أو قريب من شباك راح ينشف تماما بعد يوم... بعدها طبقي كل طقم في بيت مخده مقلوبه من نفس الطقم ورتبييه في مكان مخصص لأطقم السرير عندك ... كل مرة تبي تغير طقم السرير يكون بسولة متوفر عندك الطقم

انا احب ارتب غرفة جلوسنا بعد كل صلاه
يعني اذا خرج زوجي للصلاه قبل ماطلع من الغرفه عشان اروح اصلي
ارتب الغرفه ارتب
اذا كنا نشرب الشاي , اشيل صينية الشاي للمطبخ
وارجع الريموتات وارجع اي شي استعملناه الى مكانه
مثلا كتب او اوراق او علبة المنديل او التلفون او الجوال احطه بالشاحن
كل شي احطه بمكانه المخصص واطلع اصلي
وكلما رجعنا للغرفه ماقوم ارتبها الا اذا طلع زوجي للصلاه
مرات تمسيح غبار التلفزيون والارفف ومرات كنس الغرفه
ومررررررره مرتاحه لهذي الطريقه
يوميا غرفة جلوسنا مرتبه ونظيفه الحمدلله


اوراق ذهبيه جزاك الله خيرا عالموضوع الجميل