استغفر الله العظيم

أختي شوق ناصر ... أسفه أذا كان شرحي غير واضح
بعد ما تغسلي طقم شرشف السرير في الغسالة .. مع وضع لينور
2- طبقيه بشكل مسطيل مثلا وأنشريه على المنشرة في وتكون المنشرة في البلكون أو أمام شباك مشمس
3- بعديوم راح يجف تماما طبقيه ورتبيه وحطي الطقم في بيت مخده وحدة
4- ضعيه في الدولاب المخصص
هذي الطريقة مريحة من كوي طقم السرير وترتيبه وكذلك البحث عن أجزائه مع الأطقم الأخرى ويختصر وقتك في البحث
ان شاء الله يكون شرحي وافي ...

بقولكم الا مذكرته الحين
١.حاطه اسفنجه وراء مراية المغسله اذا شفت المغسله وصخه حطيت فيها شوي من صابون الايادي ونظفتها ورجعتها في المخباء السررري
٢.عندي ٣حمامات كل حمام فيه مكنستها والماب وعلبة صابون عشان اذا شفتيه وصخ بسرعه تدخلي تغسليه ومايحتاج تقعدي تشيلي مكانسك
٣.جلستنا مخبيه في الدولاب منشفه وبخاخ زجاج وامسح الطاولات والتلفزيون فبل مااجلس اتقوى المغرب
٤.اغلف الفرن بقصدير واغيره مره بالاسبوع احسن مايقعد الاكل ينحرق ويحتاج فرك وحوسه
٥.الفريزر فارشه سفره فيه عشان اذا خرج دم من اكياس اللحم مايتوسخ بس لاتغطو فتحات التبريد
٦.لما اكنس اخذ معي فنيله قديمه رجاليه مبلله وارميها فوق المكنسه عشان اذا شفت شئ مغبر اخذها بسرعه وامسح
٧.المعجنات دائما افردها على سفره اخلص وارميها والاقي المكان نضيف
٨.غسيل الكنب والموكيت احط صابون سجاد وكلوركس ملووووون ومطهر وافرك بالمكنسه اليدويه الصغيره بسرعه بسرعه واشغل المروحه وبس لا شطف ولاتنشيف ونظافه١٠٠٪
٩.الغساله والنشافه وطاوله الكوي حاطه عليهم مناشف طقم تحفظهم من الغبار وشكلها حلو
١٠. المجالس اغطي طاولاتها والتحف ومغاسل الايادي والمرايات باكياس الكوي الشفافه تجلس نظيف اذا جاء احد فجاءه شيليها وبس
١١.وفكرة ان تحطي في الزباله اكثر من كيس روووووعه جربتها مريحه
١٢.وماننسى اهم شئ غسالة المواعين والنشافه الحاره والغساله الاتوماتيك والمكرويف والغلايه الله لايحرمني منهم ماستغني عنهم ابدا

بالنسبه للمطبخ
اسبك اربع اكياس لحمه مفرومه واكثر الصلصه والبهار والماجي واقسمها اكياس وافرزنها للمحشي والمسقعه ومكرونة البشاميل
اصلح كشنه بصل وطماطم وشوي فلفل رومي بس واقسمها للشكشوكه والفول عشان العشاء بدل مااخرب ريحة البيت في الليل يكفي الظهر بس الغداء لا اصلح كشنه بحسب الطبخه لاني احب اغير
ومااستغني عن المعجنات اخذها جاهزه من الحريم وافرزنها تنفع للزنقات وماتشيلي هم اذا احد جاك
ولما اطبخ كبسه ازود صدر دجاجه واشيله وافرزنه لاني احتاجه احيانا للعشاء اذا بصلح شاورما او صينية توست بالدجاج
ولاتفوتكم صلصة العلالي الجاهزه للمكرونه استخدمها للبيتزا بدل مااكشن وطعمها ايطالي خطييييير

لاتنسوني من دعواتكم ربي يرزقني الوظيفه ويسعدني بالدنيا والاخره