خرافات النفاس و الدورة!!!!!!!

السلام عليكم

أخواتي العزيزات

اليوم عندي موضوع من زمان ودي أكتب فيه من كثر ما أشوفه في المنتدى و في المجتمع

اللي هو

بعض العادات اللي احنا يالحريم نتبعها وقت النفاس و الدورة و اللي أشوف من وجهة نظري الخاصة انها غلط

مثلا

محلات العطارة اللي نفتحها في بطوننا كل شهر!!!!!!!!
الوحدة من تجيها الدورة و لا تولد الا بدت تسف و تلهم و تاكل و تشرب في هالأعشاب لين تصير محل عطارة متنقل...أنا ماني ضد الأعشاب لأني أنا أشرب منها...لكن كذا خبط لزق عشرين ألف عشبة يا تصيب يا تخيب!!! و متى؟؟؟؟ من تصبح لين تمسي؟؟؟؟ و وين الأساس العلمي لهالمعتقدات اللي ما لها من الأساس الا أننا سمعناها من جداتنا؟؟؟؟؟؟

طيب ما عليكم من كلامي أنا ماني دكتورة....اقروا كلام الدكتور (البروفسور) جابر القحطاني اللي متخصص و فاهم و عنده خبرة و شوفوا وش يقول

تصدقون عاد أحيانا أشك ان اللي يكتبون هالخلطات هم عطارين عشان يمشون بضاعتهم

الشي الثاني

المطبخ الشعبي اللي برضو نفتحه في بطوننا...التغذية جدا مهمة في هالفترة و في غيرها بس من قال انك لازم تاكلين من هالأكلات الشعبية على الريوق و الغدا و العشا.... لا تفهموني غلط أنا أحب الأكلات الشعبية بس بصراحة دسمة مرة.... يعني اذا بتداومين عليها في النفاس ما تخلصين الأربعين الا وانتي ما تدخلين من الباب... هالأجانب من تولد تفكر و شلون تتخلص من الوزن اللي اكتسبته خلال الحمل و احنا ما غير نعبي في بطوننا

يا جماعة التغذية الزينة يعني تغذية متوازنة و الأطباء ينصحون الوالدة انها تركز على الخضار و اللحم بدون دهون


الشي الثالث

التسدح......أنا أعرف أن الراحة أهم من المهمة للوالدة....لا تنسون أنها طالعة من جهد بدني كبير بذلته خلال التسع الشهور من جهة و من جهة ثانية الولادة...لكن المفروض انها لما تبدى تصحصح يعني بعد أسبوعين مثلا تبدى تسوي تمارين رياضية خفيفة و تمشي و تتحرك...على لأقل عشان تحس بالحياة عقب شهور التعب...للأسف فيه حريم طول الأربعين و هي منسدحة...طيب ليه؟؟ انتي في مرحلة نقاهة بس مو مريضة طايحة في الفراش
لا و فيه بعضهم تكون طيبة و تشتغل في بيتها و تروح و تجي بس اذا جوها حريم ركضت للسرير و انسدحت عشان بس ما يعطونها عين!!!!
أنا ما ألومها بس ألوم المجتمع اللي نظرته كذا

الرابع

و هذا اللي يقهرني موووووت

لما يجون يقولون لك

انتبهي




حطي بالك






لا تتروشين!!!!!!!!!!!!!
و لا تغسلين شعرك!!!!!!!!!!!!!





ليش؟؟؟؟؟؟؟؟؟؟؟ تعب و غثا و سف من هالحلبة و الأعشاب و مرقوق ليل و نهار و تسدح أربع و عشرين ساعة و رضاعة و بعد ما فيه تروش؟؟؟؟؟؟ انتي بس تخيلي المنظر و الريحة!!!!!!!!!!!!

أصلا من غير هالاشياء الاستحمام ينعشك و ينشطك و يحسن حالتك النفسية و يبعد عنك خطر الالتهابات غير أن التعرق يزيد مرة في هذي الفترة عشان الجسم يتخلص من السوائل الزايدة يعني النظافة لاااااااااااازمة

يعني تحممي و تدفي ما قلنا شي أما تمنعين التروش عشان ما تبردين ما هي منطقية....يمكن الأولين عندهم هالاعتقادات عشان بيوتهم مفتوحة و يبردون بسرعة بس الحين الحمد لله تحممي و استشوري شعرك و البسي ملابس نظيفة و ريحتها حلوة و استمتعي بوقتك.. و استعدي لمسئولياتك بنفس مفتوحة

و فيه اعتقادات ثانية

مثلا : لفي شعرك واذانك و البسي طرحة حتى في النوم.......هذي ما أبلعها أبد

و فيلم الرعب اللي منتشر بين الحريم....حتى البكريات...اللي الكل يخاف منه... ويحسبون أنه لازم يجي كل وحدة تحمل و تولد...ألا وهو التوسع...أصلا كل الاجراءات السابق ذكرها يسوونها الحريم لخوفهم من هالبعبع اللي الكل يخوفهم منه...

ترى يا عالم ثلاث أرباع الكلام اللي تسمعونه في هالموضوع خرافات....و مو شرط اللي تولد تتوسع....أبعدوا التفكير عن روسكم و ريحوا أعصابكم.......انتي بس احفظي نفسك من الالتهابات (بالنظافة و المتابعة مع الدكتورة) و سوي تمارين كيغل و توكلي على الله


بالمختصر

اهتمي بنفسك بشكل صحي و ريحي نفسك و أعصابك و دللي نفسك

و اذا تحسبون أني اتكلم من فراغة و ما عندي خبرة تراني و لله الحمد و المنة مجربة كلش..الولادة الطبيعية.. و القيصرية... و الاجهاض...الحمد لله أولا و أخيرا على ما رزقني

يا ليت تشاركوني بآرائكم

و اللي عندها خرافات تبي تضيفها حياها الله

تعبت...أول مرة أكتب موضوع طويل

انتظر مشاركاتكم