خربانه .. خربانه

الله يفرج همك 

مرحبا اختي .. شكلك بكريه وان شاء الله تتعلمي مع الوقت والولادات القادمه ان مافي شي اسمه خراب ..


اللي تقولين انه فيني هوا وافرازات وتوسع طبيعي جدا وكل الحريم قبلك مرو فيه .. هالخرابات اللي يقولونها لك التهاب ومبالغه في الاهتمام بالرحم .. الرحم سبحان الله عضله ومهيأه انها تنظف نفسها بنفسها لكن بعضهم مايقتنع بهالشي .


انتي نفاس ومالك الا اسبوعين .. رحمك مرهق من التمدد في فترة الحمل 9 شهور ,, ولساتك معديه مرحله اسمها ولادة .. توسع لحد ماصار 10 سم وطلع لك ولدك الله يحفظه والحين يبي فترة نقاهه واستراحه حتى يرجع لوضعه الطبيعي ..


هل راح يرجع وضعك طبيعي خلال يوم وليله ؟ لأ .. هل انتي راضيه تقولين عن نفسك خربانه ؟؟ لأ .


غطي اذانك عن كلام بعضهم الله يهديهم واستمتعي بفترة الامومه والنقاهه .. نفسيتك خليها تمام لانك مرتبطه مع ولدك نفسيا .. اللي بيضايقك راح يضايقه .. وبيصيح وانتي ماتعرفين ليش وبتنرفزي اكثر بسبب صياحه .


رحمك بيرجع طبيعي مع الرضاعه الطبيعيه خلال 4 _ 5 شهور .. بعضهم اكثر وبعضهم اقل .. لكن فترة الاربعين ماتكفي حتى يستعيد رحمك وضعه السابق .


امشي طبيعي وتحركي وارعي لدك بنفسك واهتمي فيه .. تجنبي الاشياء المعروفه تجنبها وقت الدورة اللي هي البوارد والغازيات والمثلجات وكثرة السكريات والدهون والاكلات المضرة .


كثري من شرب السوائل الدافيه وحطي لك بترمس قشر القهوة وكمون مطحون وزنجبيل مطحون وقرفه مطحونه واذا حبيتي شوي اوراق نعناع .. خليها تنقع شوي واشربيها بالعافيه طول اليوم .


المراهم الطبيه لاتتركيها حتى يتشافى الجرح واتركي التحاميل خصوصا حقت المره والعسل والتبخر شيلي الفكرة من راسك .. ضررها اكبر بكثير من نفعها بتجارب حريم كثير بهالقسم .. بعضهم ماجاهم قرحه بالرحم الا من هالبلاوي .


اهتمي بغذاء صحي بعيد عن المبالغه في الاكل .. رضعي طبيعي قد ماتقدري .


لاتسوي تمارين كيجل ولاتتغسلي بالملح الا بعد ماتطيح الخيوط ويتشافى الجرح تماما ..


اذا طهرتي باذن الله لاحقا وجاء موعد اللقاء خليكي طبيعيه جدا جدا وانك مبسوطه لرجعتك مع زوجك وولدك واسرتك الجديدة .. ماراح يكون الوضع مثل اول ليلة لكن الوضع ان شاء الله مقبول جدا .


اهم شي انك ماتبيني له قلقك وخوفك وتقولي ها توسعت تغيرت تحس بشي غريب ... الخ .


باذن الله راح تتذكري هالايام وتقولي وش كان مخوفني لهالدرجه ؟؟ والله كنت بموقفك واسوأ .. كنت اقول عادي يتزوج مرة ثانيه ولايشوف اللي شفته او بالاحساس اللي انا فيه وقت الفاس .. الآن اضحك على نفسي وعلى افكاري وكيف سمحت للخوف يغلبني .


موفقه وترجعي لزوجك بالسلامه وعروس احسن من عروس 15 .. :D

رفع

الله يعينك ماعليك منهن
خرط حريم فاضي

وعادي يرجع كل شي بعد النفاس ان شاء الله

الاخت ضوء حلم الله يجزاها الجنة يا رب كفت ووفت